Bul memleketi Tynyq jáne Atlant muhıttary aralyǵynda joldy jaqsarta, áýe jáne júk tasymalymen, bilikti mamandarmen Ortalyq Amerıkada logıstıka alańyna aınalýda.
Merekeniń resmı bóliminde Gondýras Syrtqy ister jáne halyqaralyq yntymaqtastyq mınıstri Dolores Agýero Lara Marııa sóz sóılep, elinde janǵysh energııany qoldanýdy azaıtý máselelerin sheshýde úlken jumys atqarylyp jatqanyn əńgimeledi. Iаǵnı, onda tutanbaly otyndy jańǵyrmaly energııa kózderine almastyrýda. Onyń aıtýynsha, «Bolashaq energııasy» atty kórme taqyryby jahandy jylyný jáne klımattyq ózgeris oryn alǵan zamanda eleýli máselelerdiń qataryna kiredi. «1992 jyly Rıodaǵy Jer sammıtinen bastap klımattyq ózgeris boıynsha halyqaralyq sharalar qoldanylýda. 2015 jyly Parıjde ótken klımat ózgerisi jónindegi konferensııada adamzattyń atmosferaǵa parnıktik gazdardyń shyǵarylymyn turaqtandyrý qajettiligi atap ótildi. Memleketimizde parnıktik gaz shyǵarylymynyń úlesi az, alaıda 1996-2015 jyldar aralyǵynda klımattyq ózgeristerdiń jahandyq qaýipteri kórsetkishi boıynsha elimiz álem boıynsha osal memleketterdiń qatarynda boldy. Búgin, barshamyz, ulttar men halyqtar bir-birimizge táýeldiligimizdi túsine, ózimizdi jáne bolashaq urpaqty jarqyn álemmen qamtamasyz etý úshin ózara tıimdi árekettesýimiz qajet», dedi Dolores Agýero Lara Marııa.
Qazaqstan tarapynan sóz alǵan Densaýlyq saqtaý mınıstriniń orynbasary Alekseı Soı óz EKSPO-2017 kórmesi eki jaqty qatynastyń nyǵaıýyna múmkindik beretindigin atap ótti. «Qazaqstan saıası, ekonomıkalyq, ǵylymı-tehnıkalyq jáne mádenı salalalarda, sondaı-aq densaýlyq saqtaý, atap aıtqanda, medısınalyq saqtandyrý jáne týrızm salalarynda yntymaqtastyqty nyǵaıtýǵa múddeli. Qazaqstan jáne Gondýras Respýblıkalary arasyndaǵy dıplomatııalyq qarym-qatynas 1995 jyly 28 qarashadan bastap ornady. Gondýrastyń EKSPO-2017 kórmesine qatysýy elderimiz arasyndaǵy eki jaqty ózara tıimdi yntymastyqtyqty nyǵaıtýǵa múmkindik beretinine kámil senemin», dedi vıse-mınıstr.
Memleket -- kún energetıka úlesi boıynsha álemdegi jetekshi el. «ENEE» energetıkalyq kompanııasynyń statıstıkalyq málimetteri boıynsha 2016 jyly onda elektr energııasynyń 10,2 paıyzy fotoelektrli kún elektr stansalarynda óndirilgen. Bul -- álemdik kórsetkish boıynsha rekordtyq nátıje.
Ashat Raıqul,
«Egemen Qazaqstan»
