Bul – jattyǵý oryndalý jaǵynan asa kúrdeli. Sebebi, sportshy keýdeni jerden kóterý barysynda óz denesi men shyny shólmekter arasyndaǵy tepe-teńdikti múltiksiz ustap turýy qajet. Atalǵan rekord Qazaqstan rekordtar kitabynyń ókili Shyńǵys Qudaıbergenovtiń rastaýymen resmı túrde tirkeldi.
Ámir óz rekordyn 1 qyrkúıek – Bilim kúnine arnap, qazaqstandyq oqýshylarǵa sabaqtaryn tek úzdik oqyp, salamatty ómir saltyn ustanýǵa shaqyrady. «Jańa oqý jyly mektep jasyndaǵy zamandastaryma tyń serpin beredi dep oılaımyn. О́ıtkeni, úsh aı boıy jalǵasqan, elimizdiń halyqaralyq arenadaǵy bedelin bir saty kótergen EKSPO-2017 kórmesin kózimen tamashalaǵan qazaqstandyq oqýshylar az emes. Dál osy sáttegi jetistigimdi Bilim kúnine arnap, qatarlastarymdy oqýda belsendi bolýǵa, buqaralyq sportqa turaqty atsalysýǵa shaqyramyn», dedi ol.
Ámir Aqmola oblysy, Selınograd aýdanyna qarasty Qajymuqan aýylynda turady jáne jergilikti mektepte bilim alýda.
