О́ńirdiń óndiristik sektoryn jáne ekonomıkasyn damytýdy maqsat etken atalmysh aımaq alyp óndiris alańyna aınalyp keledi. Búginde munda 16 joba iske asyp, 1144 jumys orny ashylǵan. Arnaıy ekonomıkalyq aımaq ınvestısııalyq jobalardy júzege asyrý úshin ınvestorlarǵa kóptegen preferensııalar kózdelgendikten kásipti órkendetýge eń tartymdy oryn ekendigin dáleldeýde.
Qazaqstan Respýblıkasynyń Konstıtýsııasy kúnine oraı aımaqta taǵy bir jańalyqtyń tusaýy kesildi. Bul jolǵy iske qosylǵan nysan – memlekettik údemeli ındýstrııalyq-ınnovasııalyq damý baǵdarlamasyn iske asyrý maqsatynda júzege asyrylǵan temir-beton ónimderin shyǵaratyn zaýyt.
Joba qazirgi tańda Quryq portyna qajetti ónimdi daıyndaýmen aınalysatyn jáne porttyń bas merdigeri bolyp tabylatyn «QSM Precast Concrete Aktau» kompanııasy men «Naıza qurylys» JShS-men jasasqan shart negizinde júzege asyrylyp otyr.
– «Qazaqselmash Korporasııasy» kompanııasyn zaýyttyń ashylýymen shyn júrekten quttyqtaımyn. Búgingi tańda basty másele jańa jumys oryndaryn ashý jáne halyqty jumyspen qamtý. Zaýyt aýmaǵynda 200 jumys ornyn ashý kózdelgen. Jobanyń qýattylyǵy táýligine 150 dana tetrapod shyǵarý. О́nimdi daıyndaýǵa negizgi shıkizat retinde aımaqtaǵy óte kóp qum, sement, qıyrshaq tas jáne armatýra paıdalanylady. Jobaǵa 768 mln teńge ınvestısııa tartylady. О́lkemizde osyndaı kásiporyndar ashylyp jatqany qýantady. Zaýyttyń ujymyna tabys tileımin, – dedi zaýyttyń ashylý saltanatynda Mańǵystaý oblysynyń ákimi Eraly Toǵjanov.
QSM korporasııasy basqarmasy tóraǵasynyń orynbasary Ǵ.Ospanqulovtyń aıtýynsha, kompanııa óndiriste betonnyń baǵasyn arzandatatyn jańa tehnologııa qoldanady. Bul básekelestik alańyndaǵy kompanııanyń ózindik ereksheliginiń biri bolyp tabylady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
