«EKSPO-2017» halyqaralyq mamandandyrylǵan kórmesine arnalǵan Ońtústik Qazaqstan oblysynyń mádenıet kúnderi aıasynda Astana turǵyndary men qonaqtaryna Qaırat Nurtas, Jubanysh Jeksenuly, Altynaı Jorabaeva, Nurlan О́nerbaev, Zattybek Kópbosynuly, Marjan Arapbaeva, Ibragım Eskendir, A.Jaılaýbaeva syndy elimizge tanymal estrada juldyzdary ánnen shashý shashty.
EXPO-2017 halyqaralyq mamandandyrylǵan kórmesiniń amfıteatrynda ótken sharaǵa Ońtústik Qazaqstan oblysynyń əkimi Janseıit Túımebaev, «Astana EKSPO-2017» UQ» AQ-y Basqarmasynyń tóraǵasy Ahmetjan Esimov jəne QR Mədenıet jəne sport mınıstri Arystanbek Muhamedıuly, QR Densaýlyq saqtaý mınıstri Eljan Birtanov, QR din isteri jáne azamattyq qoǵam mınıstri Nurlan Ermekbaev, Astana qalasy ákiminiń orynbasary Ermek Amanshaev, QR Parlamenti Májilisiniń depýtatttary men zııaly qaýym ókilderi qatysty.
Astana aspanyn sazdy ánge bólegen dýmandy keshti qala turǵyndary men kórmeni tamashalaýǵa kelgen shetel qonaqtary jalpy sany on myńdaı halyq tamashalady.
«Tirshiliktiń bastaýy – Qazyǵurt» sazdy-horeografııalyq kompozısııasymen bastaý alǵan ónerpazdar keshinde «Qazyna», «Shamsınýr», «Tumar», «Shattyq», «Farab» bı ansamblderi myń buralǵan bılerimen kórermenderdi tamsandyrdy.
Gala-konserttiń sońynda «Astana EKSPO-2017» Ulttyq Kompanııasy» Aksıonerlik Qoǵamy Basqarmasynyń Tóraǵasy Ahmetjan Smaǵululynyń, Ońtústik Qazaqstan oblysynyń ákimi Janseıit Qanseıitulynyń, Astana qalasy ákimi Áset О́rentaıulynyń atynan yqylas gúlderi usynyldy.
