«Samuryq-Qazyna» AQ 2017 jyly 24 tamyzda Astana qalasynda ótken «Jas О́rken» taǵylymdama baǵdarlamasynyń aqtyq saıysynyń qorytyndysyn shyǵardy. Aldyńǵy úsh irikteý kezeńinen sátti ótken 28 úmitkerdiń jıyrmasy baǵdarlamaǵa qatysatyn boldy. Jeńimpazdardyń esimi baıqaý komıssııasynyń úmitkerlermen ótken paneldik suhbaty nátıjesinde anyqtaldy.
Komıssııa quramyna «Samuryq-Qazyna» AQ men Qordyń Kompanııalar tobyn basqarýshy dırektorlar, «Jas О́rken» baǵdarlamasynyń jobalyq komandasynyń qyzmetkerleri jáne táýelsiz baqylaýshylar kirdi. Baǵdarlamanyń https://www.skcu.kz/zhasorken/ saıty men áleýmettik jelilerde baıqaýdyń sońǵy kezeńiniń onlaın-kórsetilimi boldy.
«Jas О́rken» taǵylymdama baǵdarlamasynyń maqsaty – jastardy yntalandyrý. Osy jobanyń arqasynda biz jeke damý jospary boıynsha baǵdarlamanyń ár qatysýshysynyń qyzmet jolynda ósýine jaǵdaı jasaımyz. Aqtyq baıqaýǵa eń myqty úmitkerler irikteldi. Olar buǵan deıin iri baıqaýlarǵa, qazaqstandyq jáne sheteldik joǵary oqý oryndaryndaǵy sátti akademııalyq jobalardy iske asyrýǵa qatysqan. Sondaı-aq, olar olımpıada jeńimpazdary jáne budan basqa da jetistikteri jeterlik. Biz qatysýshylardy bilimin ǵana emes, jan-jaqty baǵaladyq. Sońǵy kezeńde qatysýshylardyń ýájdemesi men qundylyqtaryn synap, olardyń top bastaýǵa qanshalyqty laıyqty bolashaq kóshbasshy jáne sheber ekeni, jańa dúnıeni engizýge jáne daryny men bilimin qoǵam paıdasy úshin qoldanýǵa qanshalyqty qabiletti ekenin anyqtadyq», - dep atap ótti «Samuryq-Qazyna» AQ adam resýrstary men kommýnıkasııalardy basqarý jónindegi basqarýshy dırektory Ulan Tájibaev.
«Jas О́rken» baǵdarlamasynyń taǵylymgerleri «Samuryq-Qazyna» korporatıvtik ýnıversıtetinde jáne Máskeý qalasyndaǵy Deloitte bilim ortalyǵynda oqý oqyp, sodan soń Qazaqstannyń ulttyq kompanııalary - «QazMunaıGaz» UK AQ, «Qazaqstan Temir Joly» UK AQ, «Qazatomprom» UAK» AQ, «Taý-Ken Samuryq» UTKK AQ, «Qazaqtelekom» AQ, «Qazaqstan ınjınırıng» UK» AQ, «Birikken hımııalyq kompanııa» JShS, «Eır Astana» AQ, «Qazposhta» AQ jáne «Samuryq-Energo» AQ kompanııalarynda taǵylymdamadan ótýge joldama alady. Oqý baǵdarlamasy 3 aptaǵa, taǵylymdama 20 aıǵa jalǵasady, taǵylymgerler 5 aı saıyn «Samuryq-Qazyna» kompanııalar tobynyń ártúrli kásipornyna aýysyp otyrady. Taǵylymdamanyń basynan aıaǵyna deıin olarǵa shákirtaqy, jolaqy jáne kún kóris shyǵyndary tólenedi.
2017 jyly sáýirde «Samuryq-Qazyna» AQ joǵary oqý oryndarynyń túlekteri arasynda eki jyldyq «Jas О́rken» baǵdarlamasyna qatysýǵa baıqaý jarııalaǵanyn esterińizge salamyz, Qordyń bastamasymen ashylǵan bul baǵdarlama daryndy jastardy tartý, irikteý, taǵylymdamadan ótkizý, oqytý jáne jetildirýge arnalady. Baıqaýǵa bakalavrıat jáne magıstratýra baǵdarlamalary boıynsha 2017 jyly joǵary oqý ornyn bitiretin túlekter shaqyryldy.
«Jas О́rken» taǵylymdama baǵdarlamasyna qatysýǵa joǵary oqý oryndary túlekterinen ótinishterdi qabyldaý 2017 jylǵy 3 sáýir men 3 shilde aralyǵynda ótti. Tórt kezeńnen turatyn baıqaýǵa qazaqstandyq jáne sheteldik 55 joǵary oqý ornynan - Qazaqstandyq 21 ýnıversıtetten, TMD elderiniń 11 ýnıversıtetinen, Eýropanyń 13 (sonyń ishinde altaýy Ulybrıtanııadan), Azııanyń 9, AQSh pen Avstralııanyń bir-bir ýnıversıtetinen túlekter ótinish berdi.
Alǵashqy úsh irikteý kezeńi 5 shildeden 18 tamyzǵa deıin Almaty, Astana, Aqtóbe, О́skemen jáne Shymkent qalalarynda ótti. Irikteý kezeńderine ýájdemelik esse jazý, iskerlik daǵdylardy baǵalaýǵa arnalǵan tapsyrmalardy oryndaý, verbaldy jáne sandyq synaqtamalardy sheshý, bıznes-keısterdi oryndaý boıynsha toptyq tapsyrmalar, bıznes-tapsyrmalardy qatysýshylardyń derbes sheshýi jáne quzyrettilikter boıynsha jeke suhbattar kirdi. Úmitkerlerdi arnaıy shaqyrtylǵan baqylaýshylar - «QazMunaıGaz» UK AQ, «Qazaqtelekom» AQ, «Qazposhta» AQ, «Samuryq-Energo» AQ, «QTJ» AQ jáne «Eır Astana» AQ kompanııalarynyń ókilderi baǵalady.
