Astana ákiminiń orynbasary Malıka Bekturovanyń málimeti boıynsha týrızm salasyn damytý úshin elorda ákimdigi 2020 jylǵa deıin týrıster sanyn jylyna 2 mln-ǵa deıin jetkizýdi josparlap otyr.
«Týrızm salasyn damytý úshin biz Horwath kompanııasymen jumys isteımiz. Týrızmge qatysty ázirlengen jańa baǵdarlamada jylyna 2 mln-ǵa deıin týrıst tartýdy kózdep otyrmyz, olardyń 1 mln-nan astamy sheteldik bolmaq. О́tken jyly týrısterdiń jalpy sany 831 myń adamǵa jetti. Olardyń 273 myńy – sheteldikter»,- dedi Malıka Bekturova.
Búginde ákimdik Mádenıet mınıstrligimen birlese otyryp, EKSPO aıasynda ótkizilgen sharalardy tekserdi. Qazirgi ýaqytta soǵan oraı jylyna xalyqaralyq deńgeıdegi 40 sharany qamtıtyn tizim anyqtalýda.
«Onymen birge biz mádenı jáne sporttyq nysandar bazasynda týrısterdi tartý ortalyǵyn damytý úshin jumys istep jatyrmyz. Sondaı-aq murajaılardy jáne oıyn-saýyq ortalyqtardy damytýdamyz. Biz 6 mádenı sporttyq nysandy iriktep aldyq: Barys-Arena, Astana-arena, «Alaý» muz aıdyny, Beıbitshilik jáne kelisim saraıy, «Jastar» saraıy, Astanalyq sırk. Osy nysanalardy senim basqarmasyna berý arqyly bıýdjet qarajatynyń únemdelýi jylyna 11,9 mln dollardy quraıdy»,- dedi Astany ákiminiń orynbasary Malıka Bekturova.
