Oblys ákimi halyqaralyq jarystarda júldeger atanǵan Qamshybek Qońqabaevqa avtokóliktiń, Rústem Sybaıǵa 2 mln teńgeniń, al olardyń bapkerlerine 500 myń teńgeniń sertıfıkattaryn tabystady.
Esterińizge sala keteıik, Gambýrgte 25 tamyz ben 2 qyrkúıek aralyǵynda bokstan áýesqoılar arasynda ótken HIH álem chempıonatynda Qazaqstan quramasy 1 altyn, 2 kúmis, 3 qola júldeni oljalap, jalpykomandalyq esepte 3-shi oryndy ıelengen bolatyn. Jerlesimiz Qamshybek Qomqabaev «kúmis» medaldiń ıegeri atandy.
Ziltemirshi Rústem Sybaı da 19-30 tamyz aralyǵyndla Qytaıdyń Taıbeı qalasynda ótken 29-shy Búkilálemdik jazǵy ýnıversıadada ekinshi oryndy jeńip aldy.
Oblys ákimi sportshylardy jeńisterimen quttyqtap, Ońtústik Korıada ótetin Azııa oıyndarynda jáne 2020 jyly Tokıoda ótetin Olımpıadada sáttilik tiledi.
-Eńbeksiz jeńis te bolmaıdy. Qos sportshynyń júldesi jastardyń jigerin jandyryp, jańa bıikterge jeteleıdi. Kóptegen jasóspirimder sportqa yntyǵatyn bolady. Sizder bizdiń elimizdiń halyqaralyq sporttaǵy mártebesiniń joǵary ekendigin dáleldep, jattyqtyrýshylar men jankúıerlerdiń ǵana emes, barsha qazaqstandyqtardyń úmitin aqtadyńyzdar,-dedi aımaq basshysy.
Sportshylar óz kezeginde saıystan alǵan áserlerimen bólisip, barsha tileýlesterine alǵystaryn bildirdi.
Aıta ketý kerek, jyl basynan beri Qyzylorda oblysynyń sportshylary Qazaqstan chempıonattarynda - 563 medal jeńip alsa, Azııa, Álem chempıonattarynda – 53 medal ıelendi. Elimizdiń Ulttyq qurama komandasyna oblystan 420 sportshy endi.
