Bilim jáne ǵylym mınıstri Erlan Saǵadıev bıyl Ulttyq qor qarajaty esebinen 109 mekteptiń qurylysyna 71,7 mlrd teńge bólingenin, onyń 26,5 mlrd teńgesi buǵan deıin bastalǵan 53 mekteptiń qurylysyn aıaqtaýǵa jáne 45,2 mlrd teńgesi 56 mekteptiń qurylysyn bastaýǵa bólindi.
Bıylǵy jyldyń jospary boıynsha 2016 jyly qarjylandyrylǵan 76 mektep pen 2 balalar baqshasy paıdalanýǵa beriledi.
«Ákimdikterdiń aqparaty boıynsha, jyl sońyna deıin 24 mektep paıdalanýǵa beriledi. 2018 jyly qalǵan 33 mektep paıdalanýǵa beriledi. 2018 jyly atalǵan mektepterdiń qurylysyn aıaqtaýǵa qarajat bólý Qarjy mınıstrliginde quptalǵan», – dedi Erlan Saǵadıev.
Sondaı-aq, otyrys barysynda Mańǵystaý oblysynyń ákimi Eraly Toǵjanov, OQO oblysynyń ákimi Janseıit Túımebaev, Aqmola oblysynyń ákimi Málik Myrzalın jáne ShQO ákimi Danıal Ahmetov sóz sóıledi.
QR Premer-Mınıstri Baqytjan Saǵyntaev QR Premer-Mınıstriniń birinshi orynbasary Asqar Mamınge jáne QR Premer-Mınıstriniń orynbasary Erbolat Dosaevqa qajetti jumystardy júrgizip, jaýapty memlekettik organdarmen birlesip, mektepterdiń qurylysy salasyndaǵy tenderlerdi júrgizý rásimderin ózgertý sharalaryn qabyldaýdy jáne memlekettik bıýdjetten bólingen qarajattardy ıgerýdi jyldamdatýdy tapsyrdy.
