Armıandar merekelerin dombyranyń kúmbirlegen kúıimen bastady. Olar da bizdiń halqymyz sekildi qonaqjaılylyǵymen belgili. Mereke aıasynda «Aırenık» etnomádenı birlestigi armıandardyń ánderi men bılerin bılep tańqaldyrdy.
Bul kúni «Aırenık» armıandardyń Djangıýlým dep atalatyn ulttyq meıramdarynan úzindiler kórsetti. Jas jigitter men qyzdar erte turyp, tań aldynda taýǵa baryp jeti túrli gúl jınaıdy, jeti túrli bulaqtan sý alady eken.
Jınalǵandar mýzyka áýenimen ózderi de birge bılep ketti, ásirese, «Erebýnı» vokaldyq tobynyń jáne Sýsanna Arakelıan men Ovsepıan Sıýzannyń oryndaýyndaǵy armıan halqynyń ánderin tyńdady. Jasóspirimder «Jigittiń kúshi» dep atalatyn kóńildi oıyn ótkizdi.
О́tken jyly jergilikti Assambelıa quramyndaǵy «Aırenık» armıan qoǵamy 20 jyldyǵyn atap ótti. Qazir elimizde 40 myńnan astam armıan ultynyń ókilderi ómir súrse, oblysta myńnan astam armıan turady.
Mereke sońynda «Aırenık» armıan etnomádenı birlestiginiń tóraıymy Petrosıan Elmıra mereke qonaqtaryna rızashylyǵyn bildirip, qazaq jerindegi tatýlyq pen birlikti saqtaýǵa shaqyrdy. Balalardy jáne ata-analardy jańa oqý jylynyń bastalýymen quttyqtady.
Farıda BYQAI,
«Egemen Qazaqstan»
Pavlodar
Sýretti túsirgen: Maqsat Aıtbaı
