Sala boıynsha ósim baıqaldy: ónerkásiptik óndiris 4,2 paıyzǵa artty, bul mashına qurastyrý men metallýrgııanyń arqasynda bolyp otyr. Indýstrıalandyrý kartasy aıasynda jobalardy iske asyrý sheńberinde elordada 24 kásiporyn jumys isteıdi.
Investısııa 7,3 paıyǵa ósti, ol 1,3 mlrd teńgeni quraıdy. Onymen birge sheteldik ınvestısııa kólemi artty, 2016 jyldyń sol kezeńinde kórsetkish 63,1 mln. AQSh dollaryn quraǵan bolatyn, al bıyl kórsetkish 139 mln. AQSh dollaryna jetti.
Búginde elordada 11 myń jańa jumys orny quryldy, olardyń 85 paıyzy orta jáne shaǵyn bıznes salasyna tıesili.
Jumyssyzdyq deńgeıi elordada 4,5 paıyzǵa tómendedi.
Aıta keteıik, kásipkerliktiń damýyna memlekettik jáne jergilikti baǵdarlamalardyń aıasynda kórsetilip jatqan qoldaý septigin tıgizýde. Atap aıtqanda «Bıznestiń jol kartasy-2020» baǵdarlamasy. Osy baǵdarlamanyń aıasynda 733 joba qamtylǵan, 5 myńnan astam jumys orny qurylyp 8 myń jumys orny saqtaldy.
«Bıznestiń jol kartasy-2020» baǵdarlamasymen saýda jáne qyzmetter salasyna qoldaý bildirilmeıtinin eskere kele Astana bıznes sýbektilerine jeńildikpen nesıe berý baǵdarlamasyn ázirlep, birqatar jergilikti baǵdarlamalardy iske asyrýda.
Jalpy alǵanda jergilikti baǵdarlamalar boıynsha: Astana Bıznes, Astana-ZhasStarT Astana Retail, Astana Startup 102 jobaǵa qoldaý kórsetildi, jalpy soma - 16,5 mln. AQSh dollar. Sonyń nátıjesinde 1000-ǵa jýyq jumys orny qurylyp, 350 oryn saqtaldy.
