Astanada jas rejısserler festıvali ótip jatyr

2-8 qyrkúıek aralyǵyndaǵy Forým-festıval teatr rejısserleriniń shyǵarmashylyǵyna jol ashyp, qazaq rejıssýrasyn jańa esimdermen tolyqtyrýdy maq­­sat tutady, sonymen qatar, jas jáne tanymal teatr re­jıs­serlerimen pikirtalastar, leksııalar, sheberlik-synyp­ta­­ry, semınarlar ótkizilip, otandyq ónerdiń órisin keńeıtýge múm­kindik týady.

Qazaqtyń jańa­shyl teatr rejısseri Qaırat Súgir­bekovtiń esimin este qaldyrý maqsatynda uıymdastyrylyp otyrǵan sha­ranyń basty maqsaty talant­ty jas rejısserler shy­ǵar­ma­shy­lyǵyna qoǵam men qalyń kóp­shiliktiń nazaryn aýda­rý. 

Forým-festıvalge respýb­lı­kamyzdaǵy 20-40 jas araly­ǵyn­daǵy jas rejısserlerden Elik Nursultan, Dáýren Serǵazın, Dına Qunanbaıqyzy, Rústem Janamanov, Bolat Ábdi­rahmanov, Farhad Molda­ǵa­lıev, Juldyzbek Juman­baı, Gúl­naz Qamysbaeva, Meıram Habıbýllın jáne Aıdyn Salbanov qatysýda.

Festıval barysynda kó­rer­mender Qazaqtyń mem­­le­kettik M. Áýezov atyndaǵy aka­de­mııa­lyq drama teatry, Ǵ.Mú­si­repov atyndaǵy balalar men jas­óspirimder teatry, Res­pýb­lı­ka­lyq akademııalyq nemis drama teatry, Astana Jastar teatry, Aqtóbe oblystyq «Alaqaı» teatry, Soltústik Qazaqstan oblystyq S.Muqanov atyndaǵy qazaq drama teatry, Shyǵys Qazaqstan oblystyq Jastar teatry, Ońtústik Qazaqstan oblystyq J.Shanın atyndaǵy akademııalyq qazaq drama teatry, Almaty qalasy memlekettik qýyrshaq teatry, Atyraý oblystyq Mahambet О́temisuly atyndaǵy qazaq drama teatry qoıylymdaryn tamashalaı alady. 

Qarshyǵa KÚLEN