Polshalyq kásipkerlerdi Qazaqstannyń ınvestısııalyq áleýetimen jáne ekonomıkalyq jetistikterimen tanystyrý, ekijaqty ózara is-qımyldyń anaǵurlym tartymdy jáne perspektıvaly baǵyttaryn anyqtaý forým alańyndaǵy kezdesý barysynda negizgi talqylaý taqyrybyna aınaldy. Forým barysynda Qazaqstan men Polsha kompanııalary arasyndaǵy yntymaqtastyq týraly 10 qujatqa qol qoıyldy.
Aldymen Pavlodar oblysynyń ákimdigi men Polsha sharýashylyq palatasy arasynda Pavlodar oblysy aýmaǵyndaǵy «Agroqala» baǵdarlamasyn iske asyrý týraly memorandýmǵa qol qoıyldy. Odan ári «Kazakh Invest» UK men «PolPharma» kompanııasy arasyndaǵy ózara túsinistik týraly memorandýmǵa qol qoıyldy. Keıin «Qazposhta» AQ men «Polsha poshtasy» AQ arasynda yntymaqtastyq týraly memorandým jasaldy. Sondaı-aq poshtalyq markalardy birlesip shyǵarý týraly kelisimge de qol qoıyldy.
«Qazaqstannyń syrtqy saýda palatasy» men «WarwawExpo» arasynda, sondaı-aq «ExpoGruop» men «WarwawExpo» kompanııalary arasynda áriptestik týraly memorandýmǵa qol qoıyldy.
«Transfert jáne agrotehnologııalardy kommersııalandyrý» men «SGGW Varshava jaratylystaný ǵylymdary ýnıversıteti» áriptestik týraly kelisimge qol qoıdy.
Qazaqstan polshalyq bıznes ókilderimen Ekibastuz qalasyndaǵy halyqaralyq oqý ortalyǵyn qaıta qurý týraly memorandým jasaýdy josparlaýda.
