D. Káletaev bizdiń elimizge degen yqylasyna oraı fransýz depýtattaryna alǵys aıta kelip, Fransııanyń Ulttyq jınalysy men Senatyndaǵy «Fransııa-Qazaqstan» dostyq tobynyń mańyzdy rólin atap ótti. Meımandar Qazaqstan Parlamentindegi joǵarǵy palatanyń qyzmeti men Memleket basshysy N.Nazarbaevtyń bastamasy boıynsha júzege asyrylyp jatqan saıası jańǵyrýdyń negizgi baǵyttary týraly habardar etildi.
D. Káletaev Fransııanyń «EKSPO-2017» halyqaralyq kórmesine qatysýyna oraı rızashylyǵyn bildirdi jáne keleshekte kórme pavılondarynda «Astana» halyqaralyq qarjy ortalyǵy, «Jasyl» tehnologııalardy damytý jáne ınvestısııalyq jobalar ortalyǵy men Jańa tehnologııalar parki qurylatyny týraly áńgimeledi.
J.-K. Lenýar halyqaralyq arenadaǵy Qazaqstannyń róli men onyń BUU Qaýipsizdik Keńesindegi belsendi qyzmetin joǵary baǵalady. Fransýz senatory Qazaqstanmen jan-jaqty ózara is-qımyldy keńeıtýge óz eliniń múddeli ekenin naqtylady jáne bul úrdiste parlamentaralyq únqatysý erekshe oryn alatynyn atap ótti.
Áńgime barysynda saıası, ekonomıkalyq, mádenı-gýmanıtarlyq baılanystarmen birge ekijaqty yntymaqtastyqtyń aýqymdy máseleleri, sondaı-aq ǵarysh keńistigin ıgerý jónindegi birlesken jobalar talqylandy.
Kezdesýge Senat depýtaty Talǵat Musabaev qatysty.
