Taraptar jaryq kózderiniń tıimdiligi, zańnamalyq suraqtar, munaı jetkizilimi aıasynda MTHA-nyń turaqty eksperttik toptarynyń qyzmetin, bıyl Chehııa, Slovakııa, Vengrııa jáne Qytaı mamandary birinshi ret qatysqan «Úzdik maman-2017» konkýrsynyń nátıjesin saralady. Sondaı-aq, «Transneft» JAQ II Halyqaralyq ǵylymı-tehnıkalyq jastar konferensııasynyń daıyndyǵymen birge basqa da máselelerdi ortaǵa saldy.
«QazTransOıl» AQ bas dırektory Dımash Dosanov uıymnyń kezekti otyrysyn Astanada ótkizý qazaqstandyq kompanııa úshin mańyzdy oqıǵa bolyp sanalatynyn basa aıtty.
- Biz 2017 jyly «QazTransOıl» AQ qurylǵanynyń 20 jyldyǵyn atap ótýdemiz. Qazaqstandyq munaıqubyrshylar úshin mereıli jyly assosıasııa múshelerin qabyldaý joǵary mártebe. Sondaı-aq, shara halyqaralyq EKSPO-2017 kórmesimen dálme-dál keldi. Osy kezdesý memleketterimizdiń ekonomıkalyq turaraqtylyǵyn nyǵaıtýyna septigin tıgizedi dep senemin.
Anyqtama:
Munaı tasymaldaýshylardyń halyqaralyq assosıasııasy 2013 jyly quryldy. MTHA qatysýshy-kompanııalardyń munaı qubyry júıelerin tıimdi damytýǵa ortaqtasyp, halyqaralyq munaı tasymalynyń turaqtylyǵyn nyǵaıtý úshin jasaqtaldy. MTHA qyzmeti barysynda eýroazııalyq keńistikte munaı tasymalymen baılanysty strategııalyq jospardy ázirlep, munaıdy saqtaý, munaıqubyrlaryn paıdalaný, dıagnostıka, tarıftiń qurylý máseleleri talqylanady. MTHA quryltaıshysy - «MERO ChR» AQ (Chehııa) saýda kompanııasy. «QazTransOıl» AQ 2015 jyldyń 4 qyrkúıeginen bastap MTHA-nyń múshesi atandy. Búgingi kúni MTHA 8 uıym kiredi: «QazTransOıl» AQ (Qazaqstan), «Transneft» JAQ (Reseı), «Transpetrol» AQ (Slovakııa), «Gomeltransneft Drýjba» AAQ (Belarýs), «MERO ChR» (Chehııa), «MOL Vengrııa» AQ (Vengrııa), «CNPC» (Qytaı), «Ýkrtransnafta» JAQ (Ýkraına).
