Qazaqstandyq veloshabandozdar barlyq tórt kezeńniń toptyq jarysynda senimdi ári úılesimdi oıyn kórsetip, basqa elderden kelgen qarsylastaryna basty klassıfıkasııada jeńiske jetýlerine múmkindik bermedi.
Kópkúndik jarysta 17 jastaǵy taldyqorǵandyq Igor Chjan jeńimpaz atandy. Ol sondaı-aq eki nomınasııa boıynsha da úzdik tabyldy - «Úzdik jas shabandoz» jáne «Upaılar boıynsha klassıfıkasııa».
Altyn medaldan bólek, quramamyzdyń qorjyny kúmis jáne qola júldelermen tolyqty: ekinshi oryndy Danııl Marýhın, al úshinshi oryndy Oljas Baembaev ıelendi.
Sondaı-aq «Taýdaǵy klassıfıkasııa» boıynsha da jeńis qazaqstandyq Oljas Baembaevqa buıyrdy.
Evgenıı Fedorov, Gleb Brýsenskıı men Nurbergen Nurlyqasym basty klassıfıkasııada sáıkesinshe 4-shi, 6-shy jáne 9-shy oryndarǵa jaıǵasty.
Eske salaıyq, 2017 jyly tasjoldaǵy velosıped sportynan álem chempıonaty 16-24 qyrkúıek aralyǵynda Norvegııada ótedi.
