EKSPO-2017 • 08 Qyrkúıek, 2017

Polshanyń ulttyq kúniniń ashylýyna qatysty

138 retkórsetildi

Keshe halyqaralyq EKSPO-2017 kórmesi aý­maǵynda Polsha Respýb­lı­kasynyń ulttyq kúniniń ashylý saltanaty ótti. Sha­raǵa Premer-Mı­nıs­tr Baqytjan Saǵyn­taev pen Polsha Prezı­denti Andjeı Dýda qatysty.

Sharanyń resmı bólimi polıak áskerı orkestriniń oryn­daýyndaǵy Qazaqstan men Pol­shanyń memlekettik án­uran­dary­nyń shyrqalýynan bastal­dy. Osy ýaqytta eki res­pýb­lıkanyń memlekettik týlary kóterildi.

Odan keıin Baqytjan Sa­ǵyn­taev sóz sóıledi. Premer-Mı­nıstr polıak pavılony ózin jaqsy jaǵynan kórse­tip, kór­medegi tanymal pa­vılon­dardyń birine aınalǵanyn atap ótti.

«Qazaqstan Polshany Or­ta­lyq jáne Shyǵys Eý­ro­pa­da­ǵy negizgi saýda-ekonomı­ka­lyq seriktesi retinde qaras­ty­­ra­dy. Biz polıak úkimeti men is­ker­lik orta ókilderin BUU qam­­qor­lyǵyndaǵy «jasyl eko­no­mıkanyń» halyqaralyq orta­ly­ǵy aıasynda ynty­maq­tas­tyq­ty nyǵaıtýǵa shaqy­ramyz. Ol EKSPO-2017 murasy ne­gizin­­de jumys isteıtin bolady. Bizde jańǵyrmaly ener­­­ge­­tıka, ǵylym jáne teh­no­lo­gııalar, ınnovasııalar men kom­mý­nıka­sııalar, orman sharýa­shy­lyǵy, týrızm sala­larynda ynty­maq­tastyq orna­tý­dyń úlken múm­kindigi bar. Eko­nomıkamyzdyń sıfrlyq túr­lenýi men ındýstrııalandyrý prosesterine qatysýǵa shaqy­ramyz», dedi Qazaqstan Pre­mer-Mınıstri.

Sondaı-aq, Polsha Respýb­lıkasynyń Prezıdenti Andjeı Dýda sharaǵa qatysýshylarǵa ar­nap sóz sóıledi. 

«Biz shamamen bir jyl buryn, Varshavada Qazaqstan Pre­zıdenti Nursultan Nazarbaev­pen EKSPO-2017 kórmesine daıyndyq máselesin talqylaǵan edik, al búginde men sharanyń aýqym­dylyǵyna tańdana qaraı­myn», dedi Polsha Pre­zı­denti.

Ol Polshanyń Eýropa oda­­ǵy­nyń asa belsendi damyp jatqan elderiniń biri ekenin atap ótti. Mysalǵa, 2016 jyly memle­ket­tiń IJО́ ósimi 3,1%-dy qurady. Pre­zı­denttiń aıtýynsha, 2017 jyl­dyń boljamy budan da jaqsyraq, sondaı-aq ju­myssyzdyq deń­geıi aıtar­lyqtaı tómendep keledi. Polsha basshysy qazaq­standyqtardy túrli salalarda, sonyń ishinde, al­dy­men ekonomıka salasynda yn­tymaqtastyq ornatýǵa shaqyrdy.

«EKSPO-2017 kórmesine qa­tys­qan polıak bıliginiń ókilderi, ǵalymdar men sarapshylar bo­la­shaqta qoldanýǵa bolatyn úl­ken tájirıbe jınaqtady degen senimdemin», dedi A. Dýda.


Qymbat TOQTAMURAT,
«Egemen Qazaqstan»

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar