Erjan Shynkeev pen Serik Berdimurat arasynda ótken tartysty básekede qazaqstandyq balýannyń asyǵy alshysynan tústi. Eki balýan bir-birin ala almaı uzaq beldesti. Ádisi men tásili artyq shyqqan qaraǵandylyq sportshy qarsylasynan aılasyn asyryp, upaı sanymen jeńiske jetti. Aıta ketý kerek, úshinshi oryn alǵan balýanǵa 3 mıllıon teńge kóleminde syıaqy taǵaıyndalǵan.
Esterińizge sala keteıik, Erjan Shynkeev «Qazaqstan Barysy ‒ 2013» týrnıriniń jáne bıylǵy el chempıonatynyń kúmis júldegeri. Al mońǵolııalyq Serik Berdimurat 2014 jyly ótken «Eýrazııa Barysy» básekesiniń chempıony. Sondaı-aq, Mońǵolııadaǵy «Lashyn» halyqaralyq týrnıriniń jeńimpazy.
