Aqtyq synǵa qarsylastaryn shalyp ta, alyp ta jyqqan Aıbek Nuǵymarov pen Gýram Týshıshvılı shyqqan bolatyn. Eki alyptyń aıqasy bastala sala grýzııalyq sportshy birden shabýylǵa shyǵyp, búk upaıyn ıelengen. Alaıda Aıbek te esesin jibergen joq. Urymtal sáttiń birinde qarsylasyn shalyp jyǵyp, tarazy basyn teńestirdi. Arpalysqan sátterdiń birinde qarsylasyn qapsyra qushaqtaǵan Nuǵymarov Gýramnyń qos aıaǵyn aspannan keltirdi.
Esterińizge sala keteıik, Aıbek Nuǵymarov «Qazaqstan Barysy ‒ 2013» týrnıriniń jeńimpazy jáne eki dúrkin qola júldegeri (2012, 2017). Sondaı-aq, «Álem barysy – 2014» týrnırinde kúmispen kúptelgen-tuǵyn. Al grýzııalyq balýan dzıýdodan Eýropa chempıony (2017).
Aıta ketý kerek, «Álem barysy» atanǵan balýanǵa 15 mıllıon teńge syıaqy tabystalady. Al fınalda súringen sportshy 5 mıllıon teńge ıelenedi.
