Almatydaǵy Ulttyq kitaphanada Otyrar memlekettik arheologııalyq qoryq-murajaıynyń uıymdastyrýymen «Rýhanı jańǵyrýdyń bir kepili − kóne kitaptar» taqyrybynda kitaptar kórmesi ashyldy. Kórmede murajaı qory jınaǵyndaǵy HIH-HH ǵasylarǵa tán biregeı kitaptar men qoljazbalar ekspozısııalanyp, kópshilikke osy jádigerler týraly málimet beretin derekter qamtylǵan.
Ejelgi zamannan-aq qalalarynda ǵylym men mádenıet, saýda jáne óndiris, dalalarynda egin men mal sharýashylyǵy qatar damyǵan Uly Jibek joly boıyndaǵy qutty meken – Otyrar alqabyn óńir tarıhyn ótken ǵasyrdan bastap zerttep júrgen arheologtardyń astanasy desek artyq aıtpaspyz. Búginde 24000-nan astam zattaı jádiger men kóne jazba eskertkishter toptamalaryn saqtap otyrǵan Otyrar memlekettik arheologııalyq qoryq-murajaıy qory Otyrar ólkesiniń tarıhı eskertkishterin qorǵaý, jádigerlerdi saqtaý, nasıhattaý baǵytynda kóp jumys atqaryp otyrǵanyn aıta ketý kerek.
Otyrar qoryq-murajaıy qorynyń bastamasymen, qor qamqorlyǵyndaǵy jádigerlerdi nasıhattap, tanystyrý maqsatynda uıymdastyrylǵan atalmysh kórmede jazba eskertkishter qoryndaǵy qundy baspa jádigerleri men qoljazbalar kópshilik nazaryna usynylyp otyr.
Mıra BAIBEK,
«Egemen Qazaqstan»
ALMATY
