Bul ıgi bastama Ulttyq Olımpıadalyq komıteti prezıdenti Tımýr Qulybaevtyń tikeleı muryndyq bolýymen júzege asyrylýda jáne halyqty buqaralyq sportqa baýlýdy kózdeıdi. Osylaısha Tımýr Qulybaevtyń jeke qarajatynan elimiz boıynsha qyryq sporttyq alańnyń qurylysy qarjylandyryldy.
Street Workout arnaıy sporttyq alańdary Astana, Almaty, Aqtóbe, Aqtaý, Jańaózen, Shymkent, Qyzylorda, Taraz qalalarynda sport súıer qaýymǵa qoljetimdi bolyp otyr. Jáne de aldaǵy ýaqytta bul qalalar tizimi tolyǵatyn bolady. Sporttyq alańdar jıyrma túrli snarıadtarmen jabdyqtalǵan jáne adamǵa barlyq bulshyqetterin shyńdaýǵa múmkindik beredi.
Sporttyq alańdar birinshi kezekte qalalardyń halyq tyǵyz ornalasqan jáne neǵurlym qoljetimdi aýdandarynda salyndy. Basty maqsat - alańdarda sportpen shuǵyldanýǵa meılinshe kóp adam tartý. Máselen, Oral qalasynda workout alańy turǵyndardyń eń súıikti demalys ornyna arnalǵan jergilikti "Arbatta" salynsa, Qaraǵandyda Ońtústik-Shyǵys yqsham aýdanynda, Kókshetaýda qalanyń ortalyq kqsheliriniń birinde boı kóterdi. Sport alańdarynyń ashylý saltanatyna Workout Federasııasy ókilderimen qatar qala basshylyǵy, sporttyq jáne jastar uıymdarynyń ókilderi qatysyp, osyndaı alańdar salyp bergen Qazaqstan Respýblıkasy Ulttyq Olımpıadalyq komıteti basshylyǵyna alǵystaryn bildirip jatty. Street Workout - eń qoljetimdi sport túrleriniń biri. Onymen shuǵyldaný úshin arnaıy sport alańy men nıet qajet. Alańdardaǵy snarıadtar kásibı sportshylar men áýesqoılarǵa qatar eseptelgen. Qazirgi kezde elimizde osy sport túrimen aınalysatyndar sany artyp keledi. Byltyrǵy jylmen salystyrǵanda olardyń sany 45%-ǵa ósip, júz myńnan astam adamdy quraıdy.
