"25 jyldyń ishinde Qazaqstan men Túrkııa arasynda aǵaıynshylyq qarym-qatynastan basqa másele bolǵan joq. Sizdiń sońǵy saparyńyz kezinde biz ekonomıka, ekijaqty qarym-qatynas jónindegi biraz másele boıynsha kelistik. Jasalyp jatqan jumystar kóp. Bizdiń óńirimizde óz problemamyz bar, Sizde de bar. Sonyń barlyǵyn keńinen talqylap aqyldasýǵa búgin múmkindigimiz bar. Siz ben Pýtınniń suraýymen Sırııa máselesi boıynsha jumystar júrip jatyr. 14-inde (qyrkúıek - avt.) taǵy bir kezdesý bolady", - dep atap kórsetti Nursultan Nazarbaev.
О́z kezeginde Túrkııa basshysy qazaq xalqynyń, sonyń ishinde Prezıdent Nursultan Nazarbaevtyń aımaqtyq shıelenisterdi sheshý jolyndaǵy eren eńbegin erekshe atap ótti.
"Aımaqtyq máselelerdi sheshýdegi Sizdiń, aqsaqalymyzdyń, jeke bastamalaryńyz úshin erekshe alǵysymdy bildiremin. 14-inde bolatyn Sırııa máselesi boıynsha Astana kelissózderi óte mańyzdy. Biraz jumystar aıaqtaldy dep estigenmin. Endi, naqty bir nátıjege kelý kerek. Qudaı qalasa, osy qadamdardyń jemisin Astanada kóremiz. Osylaısha, Jeneva prosesi de jeńildeı túsedi dep senemin", - dedi Erdoǵan.
