Kezdesý barysynda eki eldiń ekonomıka, ǵylym men tehnologııalardyń túrli salalaryndaǵy yntymaqtastyǵyn nyǵaıtý máseleleri, sondaı-aq, eki eldiń qarjy jáne ınvestısııalyq qurylymdary arasyndaǵy ıslam bankıngine qatysty máseleler talqylandy. Baqytjan Saǵyntaev Iýsýf Kallaǵa IYU Ǵylym jáne tehnologııalar jónindegi birinshi sammıtiniń jumysyna qatysqany úshin rızashylyǵyn bildirip, Qazaqstan «Astana» halyqaralyq qarjy ortalyǵynda Indonezııanyń jetekshi ıslam qarjy uıymdaryn ornalastyrý arqyly yntymaqtastyqty keńeıtýge, sondaı-aq ortalyq bazasynda Qazaqstan men Indonezııanyń birlesken ıslam qarjy ınstıtýttaryn qurýǵa nıetti ekenin aıty.
Sonymen qatar, Memleket basshysy Nursultan Nazarbaevtyń Islam yntymaqtastyq uıymy keńistiginde azyq-túlik qaýipsizdigi júıesin qurý týraly bastamasyn iske asyrý taqyryby qozǵaldy. Indonezııa - álemdegi halyq sany jaǵynan tórtinshi el, onyń 2016 j. JIО́ kólemi - 932 mlrd dollar. Ol - álemdik ekonomıka lokomotıvine aınalǵan, Ońtústik-Shyǵys Azııanyń tanylǵan kóshbasshysy. Qazaqstan men Indonezııa arasyndaǵy syrtqy saýda aınalymynyń kólemi 2017 jyldyń 1 jartyjyldyǵynda 15,2 mln dollardy quraǵan, bul 2016 jyldyń osy kezeńindegi kórsetkishten 65,3%-ǵa joǵary.
