О́ńir basshysy atap ótkenindeı, Elbasy tapsyrmasyna sáıkes halyqtyń ál-aýhatyn, sonyń ishinde shalǵaıdaǵy eldi mekender turǵyndarynyń jaǵdaıyn jaqsartýǵa udaıy kóńil bólinýde. Mysaly, Jańaqalada aýdan ortalyǵyn qosqanda, segiz aýyl sapaly aýyz sýmen qamtylatyn bolady. Jańaqala men Bókeı ordasy aýdandary aralyǵynda jatqan Qulshyqtan uzyndyǵy 146 km sý qubyryn tartý úshin 2 mlrd teńge qarastyrylsa, qazirdiń ózinde sonyń 400 mln teńgesi túskeli otyr. Bul jumysty qarqyndy júrgizýge múmkindik beredi. Germanııalyq sorǵylar ornatylatyndyqtan, merdigerler aýyz sý sapasy joǵary bolady dep otyr.
Taza sý bıyl Pıatımar, Birlik, aldaǵy jyldyń kóktemine deıin Másteksaı aýyldyq okrýgine jetpekshi. Oǵan qosa tórt aýyldyq okrýg gazdandyrylyp, 7 aýylishilik joldar jóndelmek. Bókeı ordasy men Jánibek aýdandary oblys ortalyǵynan shalǵaı jatqandyqtan, jol jóndeýge bıýdjetten qarjy bólingenimen, ázirge buǵan eshkim qulshynys tanyta qoımaǵan. Sondyqtan jol qurylysy kásiporyndary úshin memlekettik satyp alý baıqaýlarynyń keıbir talaptaryn ózgertý kerek shyǵar, sebebi qala men alys eldi mekendegi jaǵdaıdyń eki túrli ekendigi belgili. Qalaı bolǵanda da, atalǵan aýdandarda jol jóndeletin bolady. Oblys ákimi bıylǵy jobalar júzege asqan kezde óńirdegi eldi mekenderdi gazdandyrý 97, taza aýyz sýmen qamtý 70 paıyzǵa jetetindigin málim etti.
