Mártebeli meımandy elimizdiń Energetıka mınıstri Qanat Bozymbaev Astana áýejaıynda qarsy aldy.
Buǵan deıin Ekonomıkalyq aqparattar agenttigi Nıkolas Madýronyń Qazaqstanda ótetin Islam yntymaqtastyq uıymynyń sammıtine qatysatyndyǵyn habarlaǵan bolatyn.
«Taıaý kúnderi 57 memlekettiń basyn qosatyn ıslam qoǵamdastyǵynyń Qazaqstannyń elordasy Astanada ótetin halyqaralyq kezdesýine baramyn. Men OPEK-ke múshe jáne múshe emes barynsha mańyzdy elderdiń basshylarymen ekijaqty qarym-qatynasty qoldaýǵa nıettimin», - degen edi Madýro Ulttyq quryltaıshylyq jıyn sessııasynda.
Sonymen qatar ol IYU sammıtin munaı baǵasyn turaqtandyrýǵa baǵyttalǵan formýlasyn usynýǵa múmkindik beretin alań retinde qaraıtyndyǵyn aıtqan edi. Esterińizge sala ketsek, osydan eki saǵattan astam ýaqyt buryn Togo Prezıdenti Fora Gnessınbeniń ushaǵy elorda áýejaıyna kelip qondy. Mártebeli meımandy elimizdiń Densaýlyq saqtaý mınıstri Eljan Birtanov pen Astana qalasy ákiminiń birinshi orynbasary Sergeı Horoshýn kútip aldy.
Buǵan deıin habarlanǵandaı, 10-11 qyrkúıek kúnderi elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen Islam yntymaqtastyq uıymynyń ǵylym men tehnologııa jónindegi birinshi sammıti ótedi. Sammıtke IYU-ǵa múshe elderdiń, sonymen qatar halyqaralyq jáne óńirlik uıymdardyń 80-ge jýyq delegasııasy qatysady.
