Qalamger sózi – ómirdiń ózi

Qazaq tarıhyndaǵy iri tulǵa, sóz zergeri Ǵabıt Mah­mutuly Músirepovtiń shyǵarmashylyǵy kórkemsóz ále­­­mine qaıtalanbas ǵajaıyp qubylys bolyp engeni anyq. «Naǵyz ónerdiń belgisi — onyń eshqashan da eskirmeıtindiginde» degen eken orystyń kórnekti jazýshysy F.M.Dostoevskıı. Ǵabıt Músirepovtiń sózi de XXI ǵa­syr tabaldyryǵynan attap ótip, óz aıshyǵymen tany­­­­­lyp, óz bederimen aıqyndalyp búgingi álemdik ádebı prosess aǵymyna qosyldy desek te, búginde biz ulttyq ádebıetter jahandaný jaǵdaıynda óz qasıet-sıpatyn saqtap qalý úshin taıtalasqa túsken asa kúrdeli ýaqyt­ty bastan keshirip otyrmyz desem, Ǵabıt Músirepov shyǵarmalarynyń jas urpaq boıyna ulttyq rýhanı ustanymdardy sińirýine, halqymyzdyń salt-dástúriniń rýhanı qundylyqtarynyń tili men diliniń qaımaǵyn buzbaı saqtap qalýǵa eleýli yqpal etetini anyq. Endeshe, saıasattaný ǵylymdarynyń doktory Roza Nur­­ta­zınanyń jaqynda ǵana jaryq kórgen «Ǵabıt Músi­re­­pov jáne qoǵamdyq-saıası máseleler» atty mono­gra­­­fııa­­­sy der kezinde jaryq kórgen, ózekti de óreli dúnıe der edik. Onda Ǵabıt Músirepovtiń jáne ol ómir súrgen kezdegi qoǵamdyq-saıası máseleler jan-jaqty taldanady. Jazýshynyń shyǵarmashylyq dástúriniń taǵylymy búgingi jastardyń qoǵamnyń búgingi tynysyn ár qy­­rynan tereńirek zertteýine, ómir qubylystaryn kór­setýde aıqyn ıdeıalyq-adamgershilik pozısııa ustanýy­­na, dáleldiń kısyndylyǵyna qol jetkizýine, kez kelgen prosesti ózara baılanysta qarastyra bilýine, qory­­­­tyn­­­dy jasaý qarym-qabiletin arttyrýyna járdemdesedi. Músirepovtiń stıli negizinde qazaq tiliniń baılyǵyn zertteý tek lıngvıstıkada, tiltanýda ǵana emes, jýrnalıstıkada da ádistemelik negiz bolyp tabylady. Kitap joǵary oqý oryndarynyń stýdentterine, ma­­­­gıstranttaryna, doktoranttaryna, ustazdaryna jáne sóz ónerin qadirleıtin qalyń oqyrman qaýymǵa arnalǵan. Gúlshat NURYMBETOVA, saıasattaný ǵylymdarynyń doktory, professor.