«Parlamenttik tyńdaýǵa Májilis tóraǵasy Nurlan Nyǵmatýlın, Premer-Mınıstrdiń orynbasary Erbolat Dosaev, Senat jáne Májilis depýtattary men memlekettik organdardyń ókilderi qatysady dep kútilýde. «Rýhanı jańǵyrý» baǵdarlamasy aıasynda Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń jumys tobynyń usynystaryn talqylaý qarastyrylady», - delingen habarlamada.
Talqylaýǵa sondaı-aq, álipbı jobasyn ázirleýshi A. Baıtursynov atyndaǵy til bilimi ınstıtýtynyń jáne Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń basshylary, joǵary oqý oryndarynyń rektorlary, ǵylym jáne mádenıet qaıratkerleri, ǵalymdar men sarapshylar, onyń ishinde sheteldikter, qoǵamdyq uıymdar men buqaralyq aqparat quraldarynyń ókilderi shaqyryldy. Parlamenttiń tyńdaý qorytyndysy boıynsha tıisti usynymdar qabyldanbaq.
