Basqarma tóraǵasy Darhan Qydyráliniń aıtýynsha, tildik tutastyq túrli etnostardyń til syndyrýyna ári memlekettik tildiń tóńiregine toptasýyna septigin tıgizbek.
«Álipbı almastyrý arqyly biz qosamjar orfografııadan qutylamyz. Mysaly, qazir memleketimizdiń ataýy 3 túrli jazylyp júr. Latyn álipbıi arqyly muny Qazaqstan dep tildik ereksheligimizdi saqtaı otyryp, bir-aq sózben jazýǵa múmkindik alamyz. Sonymen qatar, jańa álipbı arqyly shet tilderden engen sózderdi de ulttyq erekshelikterge ıkemdeı alamyz. Latyn álipbıin qazaq emlesi arqyly qabyldaý bul máseleni bir izge túsiredi» degen basqarma tóraǵasy «latyn álipbıi buqaralyq sanany ózgertip, qoǵamnyń ishki tutastyǵyn qalyptastyratyn basty quraldyń biri bolady», degen oı aıtady.
Basqarma tóraǵasynyń sózinshe, «Egemen Qazaqstan» jańarǵan portaly osy jyldyń basynan beri orys tilinde qyzmet kórsetip keledi. Al saıtqa salynǵan materıaldar konvertrdiń kómegimen avtomatty túrde latyn qarpine aýdarylady. Qyrkúıek aıynan bastap qazaq basylymdary arasynda alǵash ret aǵylshyn tilinde aqparat tarata bastaǵanyn jetkizgen ol, sheteldegi oqyrmandar men eldegi elshilikter endi jańalyqtardy «Egemen» arqyly oqı alatyndyǵyn qaperge saldy.
«Biz maquldanǵan jaǵdaıda, kelesi jyldyń basynan bastap aǵylshyn tilinde qosymsha gazet shyǵarýǵa da daıynbyz. Bul – elimizdegi 3 tuǵyrly til saıasatyna da qyzmet etedi dep oılaımyz. Jalpy, el gazetiniń 1929-1940 jyldary aralyǵynda, «Eńbekshi qazaq» jáne «Sosıaldy Qazaqstan» kezinde latyn álipbıimen shyqqanyn jaqsy bilesizder. Sondyqtan, biz bas basylym retinde latyn álipbıine kóshýge ázirmiz», degen «Egemen Qazaqstan RG» AQ Basqarma tóraǵasy Darhan Qydyráli abyroıly istiń sátti ótýine tilektestigin bildirdi.
Aıa О́MIRTAI,
«Egemen Qazaqstan»
Sýretti túsirgen Erlan Omar,
"Egemen Qazaqstan"
