Q. Toqaev Prezıdent Nursultan Nazarbaevtyń bastamasy boıynsha ótip otyrǵan IYU-nyń ǵylym jáne tehnologııa jónindegi alǵashqy sammıtine qatysqany úshin ındonezııalyq delegasııaǵa alǵys aıtty. Senat Tóraǵasy áleýmettik-ekonomıkalyq reformalaryn iske asyrýdaǵy jáne qarqyndy damyǵan ekonomıkasy bar memleket qurýdaǵy Indonezııanyń jetistikterine Qazaqstanda zor yqylaspen qaraıtynyn atap ótti.
Iý. Kalla IYU forýmyn tabysty ótkizýimen Qazaqstandy quttyqtaı kelip, saıası, ekonomıkalyq, tehnologııalyq jáne ınvestısııalyq baılanystar salasyndaǵy yntymaqtastyqtyń zor áleýetin atap ótti.
Q. Toqaev konfessııaaralyq únqatysýdy damytý jónindegi Qazaqstannyń bastamalary, sondaı-aq aldaǵy 2018 jyly qazanda ótetin Álemdik jáne dástúrli dinder lıderleriniń VI Seziniń kún tártibi jóninde júzdesýshini habardar etip, ol forýmǵa ındonezııalyq basshylardyń qatysatynyna senim bildirdi. Taraptar ıslamdyq bilim berý, ekstremızm men terrorızmge qarsy ıdeologııalyq is-qımyl salasyndaǵy ózara baılanystardy nyǵaıtý máseleleri boıynsha pikir almasty.
Kezdesýge qatysýshylar Qazaqstan men Indonezııanyń parlamentaralyq únqatysýyn nyǵaıtýdyń keleshegin de talqylady.
