Talǵat Turlybekuly 1963 jyldyń 3 shildesinde qazirgi Soltústik Qazaqstan oblysy Taıynsha aýdanynyń Qaraǵash aýylynda dúnıege kelgen. Kókshetaý aýyl sharýashylyǵy ınstıtýtyn ınjener-mehanık, «Femıda» zań akademııasyn zańger mamandyǵy boıynsha bitirgen. Tehnıka ǵylymdarynyń doktory, akademık.
Eńbek jolyn týǵan aýylynda jumysshy bolyp bastaǵan. Shoqan Ýálıhanov atyndaǵy Kókshetaý memlekettik ýnıversıtetinde assıstent, dosent, aýyl sharýashylyǵy ınstıtýty dırektorynyń orynbasary, syrttaı oqytatyn bólimsheniń dekany, prorektor laýazymyna deıingi qyzmet jolynan ótken. QR Bilim jáne ǵylym mınıstrliginde qyzmet atqarǵan.
2002-2008 jyldar aralyǵynda Sh.Ýálıhanov atyndaǵy Kókshetaý memlekettik ýnıversıtetiniń prorektory, 2008-2012 jyldary Rýdnyı ındýstrıaldyq ınstıtýtynyń rektory, 2012-2014 jyldary QR Ulttyq ınjenerlik akademııasynyń vıse-prezıdenti, 2014-2016 jyldary QR Prezıdenti janyndaǵy memlekettik basqarý akademııasynyń vıse-rektory bolyp qyzmet atqardy.
Jańa qyzmetke taǵaıyndalǵanǵa deıin «Ulttyq agrarlyq ǵylymı-oqytý ortalyǵy» UAO Basqarma tóraǵasynyń orynbasary boldy. «Qurmet» ordenimen, merekelik medal jáne tósbelgilermen marapattalǵan.
Barlyq quqyqtar qorǵalǵan. inform.kz belsendi siltemeni paıdalanyńyz http://www.inform.kz/kz/akmola-oblysynyn-bilim-baskarmasyna-zhana-basshy-tagayyndaldy_a3063668
