Aımaq basshysy jańa páterge qol jetkizgen turǵyndardy quttyqtaı otyryp, shańyraqtaryna qut-bereke tiledi.
"Qala kúni qarsańynda jańa móltek aýdannan kezekti kópqabatty turǵyn úılerdi paıdalanýǵa berip otyrmyz. Jańa shaǵyn aýdanǵa áli at berilgen joq, degenmen bul jerde 25 turǵyn úı boı kóterdi, jaqyn arada mektep pen balabaqshanyń qurylysy bastalady. Qala úshin bıylǵy jyldyń basty jańalyǵy - Syrdarııa ózeniniń sol jaq jaǵalaýyndaǵy jańa qala qurylysynyń bastalýy. Búginde sol jaǵalaýda 18 kópqabatty turǵyn úılerdiń,320 oryndyq balabaqshanyń, jastar ortalyǵynyń, "Bolashaq" ýnıversıteti kampýsynyń, Qazaq Ortalyq Atqarý Komıtetiniń burynǵy ǵımaratynyń syzbasy negizinde aımaqtyń rýhanı jańǵyrý ortalyǵynyń qurylystary qarqyndy júrýde. 1925 jyly Qyzylorda astana bolyp turǵan shaqta osy ǵımaratta tarıhı sheshim qabyldanyp, ultymyz "qazaq" dep atalǵan. Qurylystyń qarqyny jaǵynan biz Astanadan keıingi oryndamyz, Almatymen deńgeıles, al respýblıka boıynsha aldyńǵy bestikke kiremiz. О́tken jyly Almaty qalasynda memlekettik baǵdarlamamen 63 kópqabatty úı salynsa, Qyzylordada 80 úı salyndy. Osynyń barlyǵy qurysh qoldy qurylysshylardyń eńbegi, halqymyzdyń aýyzbirshiligi men yntymaǵy, Elbasynyń sarabdal saıasatynyń arqasynda múmkin bolyp otyr,"-dep atap ótti jańa qonys ıelerin quttyqtaǵan oblys ákimi Qyrymbek Kósherbaev.
Baspanaly bolǵan turǵyndardy eńbek ardageri, Qyzylorda qalasynyń Qurmetti azamaty Jetkergen Orazbaev ta quttyqtap, batasyn berdi.
Al, óz kezeginde qalalyq №3 emhananyń dárigeri, páter kiltin alǵan Dana Esetova turǵyndar atynan alǵysyn jetkizdi.
«Bul kúnderi Qyzylordada qurylys qarqyny óte joǵary, sonyń ishinde turǵyn úı qurylysy. Bizdiń elde «Nurly jol» syndy memlekettik baǵdarlamanyń baryna otbasymyz qýanyshty. Osy tusta, halyq múddesi úshin aıanbaı ter tógip, osyndaı baǵdarlama jasap qabyldaǵan Memleket basshysyna jáne ony tabysty iske asyrǵan oblys ákimine aıtar alǵysymyz sheksiz»,-dedi Dana Esetova.
Aıta ketý kerek, oblys ortalyǵynda sońǵy 4 jylda 11jańa móltek aýdan boı kóterip, 7 myńnan astam turǵyn baspanaly boldy. Aımaqtaǵy qurylys kólemi -3,5 esege, oblys ortalyǵynda qurylys - 8 esege ulǵaıdy. Jyl basynan beri 61 kópqabatty turǵyn úılerdiń qurylys jumystary júrýde, búgingi kúni olardyń 23-i paıdalanýǵa berildi. Qalǵan 38-i jyl sońyna deıin el ıgiligine beriledi dep josparlanǵan.
