Jaýapty oıyn aldyndaǵy iri jeńis

«Astana» fýtbol klýbynyń alańǵa shyqpaǵanyna tórt apta bolypty. Sol ýaqyt aralyǵynda ala dopty ábden saǵynǵan bolsa kerek, «Atyraýmen» ótken matchta elorda klýby jeti birdeı gol soqty. Bul jeńistiń «Qaıratpen» aradaǵy upaı aıyrmashylyǵyn saqtap qalǵany óz aldyna, aldaǵy ýaqytta «Vılıarrealmen» bolatyn Eýropa lıgasynyń toptyq kezeńindegi jaýapty oıyn qarsańyndaǵy kóńil kúıge de ıgi áserin tıgizeri aıdan anyq. Eske salsaq, «Vılıarreal» – «Astana» oıyny 14 qyrkúıekte Ispa­nııada ótedi.

О́z alańynda «Qaısardy» qabyl­­daǵan «Qaırattyń» quramyna jaraqatynan aıyqqan Andreı Arshavın qaıta oralǵan bolatyn. Reseılik surmergen 61-mınýtta oıynshy almastyryp shyqqanyna qaramastan, gol soǵyp kózge tústi. Bul oıynda «Qaısardyń» alań ıelerine laıyqty qarsylyq kórsetkenin aıta ketý kerek. Biraq sheshýshi sátterge kel­gende qyzylordalyq fýt­bol­shylarǵa sáttilik pen sheber­lik serik bolmaı jatty. Esesine, almat­y­lyqtar ózderine berilgen múmkindikterdi utymdy paıdalanyp, tolyǵymen iske jarata bildi.

Qola júldeden úmitti «Orda­basynyń» upaıy túgel. Shymkent­tikter bul týrda «Tarazdan» 1:0 esebimen basym túsip, ózderiniń basty qarsylasy – «Tobyldan» on upaıǵa uzap ketti.

Týrnır kestesiniń tómengi ja­ǵyn­­daǵy komandalar da alaman má­rege jaqyndaǵan saıyn janyn sa­lyp oınaýda. Buǵan deıin kósh sońyn­d­a kele jatqan «Aqtóbe» óz ala­ńy­nda «Shahterdi» 2:0 esebimen tize búktirip, eki saty joǵarylady. Al Oralda «Aqjaıyqtan» eki gol aıyrmashylyǵymen opyq jegen «Oqjetpes» abyroı ápermes eń sońǵy orynǵa tústi.

Premer-lıganyń 26-týrynda mynadaı nátıjeler tirkeldi:

«Astana» – «Atyraý» – 7:0 (3:0), Mýjıkov, 28 (1:0). Mýjıkov, 38 (2:0). Murtazaev, 44 (3:0). Tomasov, 60 (4:0). Grahovas, 69 (5:0). Tvýması, 87 (6:0). Tomasov, 89 (7:0). «Aqjaıyq» – «Oqjetpes» – 2:0 (2:0), Dýdchenko, 42 (1:0). Glavına, 45+1 (2:0). «Ertis» – «Tobyl» – 1:2 (0:1), Shetkın, 41 (0:1). Kvekveskırı, 72 – óz qaqpasyna (1:1). Kassaı, 82 (1:2). «Qaırat» – «Qaısar» – 3:1 (2:1), Isael, 14 (1:0). Islamhan, 19 (2:0). Kýror, 40 (2:1). Arshavın, 90+2 (3:1). «Aqtóbe» – «Shahter» – 2:0 (0:0), Valıýllın, 53 (1:0). Obradovıch, 81 (2:0). «Ordabasy» – «Taraz» – 1:0 (1:0), Kovalchýk, 41 (1:0).

Chempıonattaǵy 27-týr oıyn­dary 16-17 qyrkúıek kúnderi ótedi:

16 qyrkúıek: «Er­tis» – «Aq­ja­ıyq», «To­byl» – «Ordabasy», «Ta­­raz» – «Qaırat», «Aty­raý» – «Aq­tó­be», 17 qyr­kúıek: «Qaı­sar» – «Astana», «Shahter» – «Oqjetpes».

Surmergender:

1. Jerar Goý («Qaırat», 1) – 17;

2. Jýnıor Kabananga («Astana», 1) – 15;

3. Patrık Tvýması («Astana») – 10.

Qaırat ÁBILDA,
«Egemen Qazaqstan»