Sársen Amanjolov atyndaǵy Shyǵys Qazaqstan memlekettik ýnıversıtetiniń ǵalymdary jýyqta sensasııa deýge turarlyq jańalyqtaryn jurtshylyqqa jarııa etti. Olardyń sózine sensek, mıllıondaǵan jyl buryn Úlbi ózeni bolmaǵan, bul alqapty Altaı teńizi alyp jatqan kórinedi.
«Munda teńizdiń bolǵanyna naq osy Tarhan razrezi dálel. Ol shamamen osydan 300-400 mıllıon jyl burynǵy joǵarǵy Devon jáne tómengi Karbon dáýirleriniń shógindi qatparlarynan turady. «Tarhan geologııalyq razrezi» aıryqsha ǵylymı qundylyqqa ıe. Bul jer tasqa aınalǵan baıyrǵy aǵzalardy zertteýge, olardyń jasyn anyqtaýǵa múmkindik beredi. Eń bastysy, ólke tarıhynyń jańa paraqtary ashylady. Razrezdiń túrli qatparlarynda kóne teńiz aǵzalarynyń tasqa aınalǵan qaldyqtary saqtalǵan, olar birneshe júz mıllıon jyl buryn jasalǵan ózindik tas «sýretter» ispetti. Razrez eki geologııalyq kezeńniń – Devon men Karbonnyń shekarasyn kórsetedi. Bir ókinishtisi, osynaý tańǵajaıyp mekendegi qanshama ǵasyr saqtalǵan jádigerler tonalyp, joıylyp barady. Sondyqtan bul jerdi tez arada memleket qamqorlyǵyna alý qajet», deıdi osy ýnıversıttetiń prorektory, bıologııa ǵylymynyń doktory Anar Myrzaǵalıeva.
Azamat QASYM,
«Egemen Qazaqstan»
Shyǵys Qazaqstan oblysy
