Elektromator, generator jáne trasnformator shyǵaratyn óndiris orny osy aralyqta 10988 dana zattaı taýar shyǵarǵan. Kásiporyn óndirilgen ónimniń 40 paıyzyn Reseı, Qyrǵyzstan, О́bekstan jáne Tájikstan elderine eksporttaǵan. Zaýyt ónimderiniń negizgi tutynýshylarynyń qatarynda «QazMunaıGaz» AQ, «Qazaqstan temirjoly» AQ, «QazTransOıl» AQ sııaqty alpaýyt mekemeler men Orta Azııa memleketteri bar.
Munda 1011 qala turǵyny úsh aýysymda turaqty eńbek etedi. Olardyń kóbi jastar. Kásiporyn janynan ashylǵan kolledjdiń 500-ge jýyq stýdenti dýaldy júıemen osynda mamandyǵyn tolyq meńgeredi. Sonyń nátıjesinde, jumys ónimdiligi artyp, sapaly taýar shyǵarylýda.
Jańa tehnıkamen jaraqtandyrylýǵa jáne jańa ónim shyǵarýǵa zaýyt basshylyǵy árdaıym basymdyq beredi. Keńes Odaǵy tusyndaǵy jabdyqtar qazir jaramsyz. Sondyqtan zaýyt qurylǵaly beri mundaǵy tehnologııanyń barlyǵy túgelimen jańalandy. О́ndiris kólemi 20 jylda 20 esege ósti.
