Mınıstr memlekettik kirister organdary men salyq tóleýshi arasyndaǵy ózara is-qımyldyń aıqyn erejelerin bekitý maqsatynda zańdylyq qaǵıdaty, tıimdilik qaǵıdaty jáne táýekelge baǵdarlanǵan ákimshiliktendirý qaǵıdaty sııaqty salyqtyq ákimshiliktendirýdiń qaǵıdattary engiziletinin baıandady.
Salyq tártibin arttyrýdy yntalandyrý maqsatynda táýekelderdi basqarý júıesi túbegeıli qaıta qaralady. Salyq tóleýshilerdiń túrli sanattary úshin salyqtyq ákimshiliktendirýge ártaraptandyrylǵan tásil engizilýde.
«Álemniń kóptegen elderinde salyq tóleýshilerdi sanattaý qupııa, «jabyq» aqparat bolyp tabylatynyn atap ótken jón. Biz bolsaq, «ashyq krıterıılerdi» qarastyratyn quramdastyrylǵan úlgini engizýdi usynamyz, ol salyq tóleýshilerge táýekeldiń tómen dárejesi «jasyl aımaqqa» ený úshin baǵdar jáne «qyzyl aımaqqa» túsýden eskertý bolmaq», — dep atap ótti Baqyt Sultanov.
Jobada senim men ashyqtyqtyń qaǵıdattaryna negizdelgen iri salyq tóleýshilermen ózara is-qımyldyń jańa túri – Deńgeıles monıtorıng qarastyrylǵan. Mundaı tásil EYDU elderinde paıdalanylatyn ákimshiliktendirýdiń ilgerindi ádisteriniń biri bolyp tabylady.
Zań jobasynda áreketsiz salyq tóleýshilerdi májbúrlep joıý úshin negizgi sharttar qarastyrylǵan. Atalǵan rásimniń ashyqtyǵyn qamtamasyz etý maqsatynda májbúrlep joıý týraly aqparat aldyn ala BAQ-ta jarııalanady, jáne osy kompanııalardyń áleýetti kredıtorlarynyń shaǵymdarymen jumys júrgizilýde.
«Salyqtyq tekserýler turǵysynan olardyń sanyn qysqartý men sapasyn arttyrýǵa baǵyttalǵan sharalar qarastyrylǵan»,— dep basa aıtty mınıstr.
Atap aıtqanda, jospardan tys tekserister júrgizý úshin negizdemeler 56%-ǵa qysqardy.
Kodeks jobasynda lısenzııalyq baqylaýdy yryqtandyrý qarastyrylǵan. Sondaı-aq, QQS qaıtarý rásimderin ońtaılandyrý boıynsha sharalar qarastyrylǵan.
Ilespe zań jobasynda ákimshiliktendirý turǵysynan birqatar zańnamalyq aktilerge túzetýler qarastyrylǵan.
«Sóz sońynda ákimshiliktendirýdi jetildirý boıynsha barlyq jańashyldyqtar bıznestiń damýyna sózsiz oń áser etetinin jáne salyq organdarynyń jumysynyń qazynalyq ádisterinen bıznespen seriktestik qatynastarǵa kóshýdi qamtamasyz etedi», - dep túıindedi mınıstr.
Esterińizge salsaq, búgin Úkimet otyrysynda «Salyq jáne bıýdjetke tólenetin basqa da mindetti tólemder týraly» QR Kodeksiniń jobasy jáne ilespe zań jobasy týraly másele qaraldy.
