Mádenıet jáne sport mınıstri Arystanbek Muhamedıuly 2016 jyldyń qorytyndysy boıynsha tórt mln astam adamdy nemese halyqtyń 27,4% dene shynyqtyrýmen jáne sportpen aınalysýmen qamtý qamtamasyz etilgenin baıandady. Úsh jyl ishinde bul kórsetkish 2,3% ósken. Bul tusta júıeli aınalysatyn balalar men jasóspirimder úlesi 15,3% quraıdy. Búginde JOO-lardyń stýdentteriniń 20%, kolledjderde - 30% sportqa tartylǵan.
Sportpen shuǵyldanatyn múgedekter úshin jaǵdaılar jasalýda. 2009 jyldan beri sportpen shuǵyldanýshylardy qamtý 4%-dan 10,2% deıin artqan.
Ulttyq sport túrlerimen aınalysatyndar úlesi 2013 jylǵy 5,9%-dan 2016 jyly 7,7% deıin artty. Ulttyq sport túrleri boıynsha búginde elimizde 7 arnaıy sport klýbymen Astanada ulttyq jáne at sporty túrleri ortalyǵy jumys isteıdi.
«Qazaqstan barysy» jobasy bizdiń ulttyq sporttyq brendimizge aınalyp úlgerdi, «Eýrazııa barysy» jáne «Álem barysy» týrnırlerin uıymdastyrý arqyly ol halyqaralyq deńgeıge shyqty. Osynyń arqasynda aýyldardaǵy balalar men jastar qazaq kúresi seksııalaryna belsene qatysýda. Materıaldyq emes mádenı murany qorǵaý boıynsha IýNESKO-nyń Úkimetaralyq komıtetiniń XI sessııasynyń qorytyndysy boıynsha qazaq kúresi IýNESKO-nyń adamzattyń materıaldyq emes mádenı murasynyń reprezentatıvti tizimine engizildi»,— dep atap ótti A. Muhamedıuly.
Buqaralyq sporttyń mańyzdy quraýyshy prezıdenttik testiler bolyp tabylady. Jyl saıyn olarǵa tórt mıllıonnan astam adam qatysady.
Elimizde 11,1 myń sport qurylymdary bar, 2015 jylmen salystyrǵanda olardyń sany 4% artqan. 2017 jyldyń basynan beri aımaqtarda jergilikti bıýdjet pen demeýshiler qarajatynyń esebinen 11 dene shynyqtyrý-saýyqtyrý kesheniniń qurylysy aıaqtaldy. Taǵy tórt oblysta dene shynyqtyrý-saýyqtyrý kesheniniń qurylysyn aıaqtaý josparlanyp otyr.
QR Premer-Mınıstri elimizdiń keıbir mektepterinde sporttyq qural-jabdyqtarmen qamtamasyz etý máselesi bar ekenin atap ótti, osyǵan baılanysty aımaqtardyń ákimderine bul máseleni baqylaýǵa alý tapsyryldy. Sonymen qatar birqatar mektepterdiń sport zaldary joq, Baqytjan Saǵyntaevtyń aıtýynsha, bul máselege de barynsha nazar aýdaryp, balalardy sportqa tartýda keshendi tásildi engizý kerek.
