Ken orny arnaıy eki qondyrǵy ornatyp, altyndy sýmen shaıý ádisi arqyly óndirip jatyr. Qazirgi ýaqytta 200 adam eńbek etip jatqan kásiporyn alǵashqy ónimderine de qol jetkizip úlgeripti. Jarma aýdanynyń ákimi Nurlan Sydyqov jýyqta «Shuǵyla GOLD» JShS basshylyǵymen kezdesip, kásiporynnyń jumysymen jaqyn tanysyp, birqatar mindetter júktedi. Bıznestiń áleýmettik jaýapkershiligi aıasynda aýdandaǵy is-sharalardan tys qalmaı, áleýmettik mańyzy bar jobalarǵa qoldaý kórsetýge shaqyrdy.
Seriktestiktiń óndiristik dırektory Ramazan Súleımenov óz kezeginde kásiporyn áleýmettik mindettemelerden bas tartpaıtynyn, jýyqta ǵana ótken Qalıhan Altynbaevtyń mereıtoıyna qarjylaı qoldaý kórsetkenderin aıtyp, bul baǵyttaǵy jumystaryn aldaǵy ýaqytta da jalǵastyratyndyqtaryn jetkizdi. Sonymen qatar, bolashaqta ken ıgerý úshin arnaıy zaýyt salýdy josparlap otyrǵandaryn tilge tıek etti.
Azamat QASYM,
«Egemen Qazaqstan»
