Hikma Pharmaceuticals – Londonda ornalasqan transulttyq farmasevtıkalyq kompanııa, biregeı dárilik preparattardy jáne djenerıkterdi jasap shyǵarady. Kásiporyn 1978 jyly Iordanııanyń Amman qalasynda quryldy, jáne búgingi kúni London qor bırjasynda iri farmasevtıkalyq kompanııalardyń biri bolyp tabylady. Hikma kompanııasynyń 11 elde, onyń ishinde AQSh-ta, Eýropada, Taıaý Shyǵys jáne Soltústik Afrıka elderinde 7 zertteý ortalyqtary jáne 29 zaýyttary bar. Kompanııanyń farmasevtıkalyq ónimi GMP standarttaryna sáıkes keledi, al ónimniń portfeline shamamen 700 dárilik preparat enedi.
2015 jyly kompanııa «IA Almaty farmasevtıkalyq preparattardy óndirý zaýytyn salý» ınvestısııalyq jobasymen jumysyn bastap ketti. Kompanııa respýblıka halqynyń barlyq toptarynyń qoljetimdi baǵalarmen dárilik zattarǵa muqtajdyqtaryn qanǵattandyrý jáne Qazaqstannyń medısınalyq preparattardyń ımportyna táýeldiligin tómendetý úshin joǵary sapaly farmasevtıkalyq ónimdi shyǵaratyn bolady. Farmasevtıkalyq preparattardyń assortımenti júrek-tamyr preparattaryn, jalpy belgilenýi bar antıbıotıkterdi, ortalyq júıke júıesiniń aýrýlaryn, onkologııany emdeý preparattaryn jáne basqalardy engizetin bolady.
Kompanııa Almaty qalasynyń «Almaty» Indýstrıaldyq aımaǵynda jer telimin aldy jáne 10 jylǵa aıryqsha negizde dárilerdi óndirýge jáne jetkizýge «SK-Farmasııa» JShS-men kelisim-shartqa qol qoıdy. Qazirgi ýaqytta jer jumystarynyń máseleleri pysyqtalýda jáne óndiris jónge keltirilýde. Jobany shetel ınvestory tolyǵymen qarjylandyratyn bolady.
«Bul joba erekshe baqylaýymyzda, óıtkeni joba Memleket basshysy jarııa etken «Ult jospary» aıasynda Qazaqstanǵa transulttyq kompanııalardy tartý jáne eksport ónimderin qurý sheńberinde iske asyrylyp jatyr», dep atap ótti «KAZAKH INVEST» UK» AQ basqarma tóraǵasynyń orynbasary Nursultan Jıenbaev.
