Quqyq qorǵaý jáne arnaıy organdar kórmege zamanaýı qaýipsizdik júıesin ornatty. Osy rette kúshtik qurylymdar qaýipsizdikti qamtamasyz etý boıynsha aldyna qoıǵan mindetterdi oryndaýda birlesken úılesimdi is-áreketti kórsetti.
Osyǵan baılanysty Ishki ister mınıstrliginde EKSPO kórmesin daıyndaý jáne ótkizý kezinde qaýipsizdik pen quqyqtyq tártipti qamtamasyz etýge úles qosqan jáne óziniń mindetterin úlgili oryndaǵany úshin laýazymdy tulǵalardy marapattaý rásimi ótti.
Buıryqqa sáıkes, memlekettik organdardyń, uıymdardyń jáne ishki ister organdary bólinisteriniń 745 laýazymdy tulǵany marapattaldy.
EKSPO kórmesin daıyndaý jáne ótkizý kezinde quqyq qorǵaý organdary men arnaıy qyzmetterdiń tıimdi jumys isteýi qylmystyń deńgeıiniń tómendeýine jáne Astananyń eń qaýipsiz qala bolýyn qamtamasyz etti.
EKSPO kórmesin ótkizý kezinde qoǵamdyq qaýipsizdik pen quqyqtyq tártipti tıisti deńgeıde qamtamasyz etý úshin 9 myńǵa jýyq qyzmetker jumyldyryldy (4,6 myń IIM-niń qyzmetkeri, 1,8 myń Ulttyq Ulannyń áskerı qyzmetshileri, 1,5 myń. – Qorǵanys mınıstrligi, 630 jeke menshik kúzet uıymdary).
Jalpy alǵanda kórme kezinde qandaı da bir tótenshe jaǵdaılarǵa, rezonansty qylmystarǵa jol berilmedi.
