Sonymen, Jer kodeksiniń kelesi normalaryna ózgerister men tolyqtyrýlar engizý qarastyrylǵan:
1. Qazaqstandyqtarǵa aýyl sharýashylyǵy jerlerin jalǵa berý ınstıtýtyn saqtaý jáne jetildirý;
2. Qazaqstandyqtarǵa jalǵa beriletin aýyl sharýashylyǵy jerleriniń shekteý (eń joǵary) mólsherin belgileý;
3. Shekara mańyndaǵy aımaqtarda aýyl sharýashylyǵy jerlerin berýdiń talaptaryn qatańdatý;
4. Halyqtyń qajettilikterin qanaǵattandyrý úshin, eldi-mekender mańyndaǵy jaıylymdardyń alańdaryn anyqtaý.
Qazaqstandyqtarǵa aýyl sharýashylyǵy jerlerin jalǵa berý ınstıtýtyn saqtaı otyryp, zań jobasymen aýyl sharýashylyǵy jerlerin konkýrstyq negizde berýdiń bólek tártibin belgileý qarastyrylady.
«Konkýrsqa jarııalylyqty jáne barlyq potensıaldy qatysýshylarǵa birdeı qatysýdy qamtamasyz etý maqsatynda jańa tártip konkýrsty ótkizý týraly habarlamany BAQ, ákimdikterdiń jáne Aýyl sharýashylyǵy mınıstrliginiń resmı ınternet-resýrsterinde jarııalaý qarastyrylady», - delingen QR AShM habarlamasynda.
Konkýrstyń jeńimpazyn anyqtaıtyn komıssııa quramyna qoǵamdyq keńester men uıymdardyń ókilderi qatysady, olar komıssııa músheleriniń jalpy sanynyń 50 % astamyn quraıdy.
Konkýrsqa qatysýdyń mindetti sharty boıynsha qatysýshymen konkýrstyq usynymdy berý qajet. Atap aıtqanda:
- aýyl sharýashylyǵy óndirisin júrgizýdiń bıznes-jospary;
- sharýashylyq ishilik jerge ornalastyrý jobasyn jasaý jáne ıgerý boıynsha mindettemeler;
- jergilikti turǵyndarǵa jumys oryndaryn qurý boıynsha mindettemeler;
- óńirdiń mamandanýyna sáıkes aýyl sharýashylyǵy daqyldarynyń egý alańdarynyń qurylymyn ártaraptandyrý boıynsha ındıkatıvtik kórsetkishterdi oryndaý boıynsha mindettemeler.
Vedomstvo myna talaptardy eske saldy:
- erkin nysanda aýyl sharýashylyq daqyldaryn egý úshin naqty qolda bar qajetti aýyl sharýashylyq mehanıkalyq qurylǵylaryn kórsete otyryp jer ýchaskesin paıdalaný boıynsha
bıznes-jospar nemese óndiristik baǵdarlama jáne (nemese) olardy satyp alýǵa (jalǵa alý, qyzmet kóretýdi satyp alý jáne taǵy basqalar) sharttyń kóshirmesin (nemese nıet etý hattamasyn) usyný;
- bilim týraly dıplomnyń (ol bolǵan jaǵdaıda) kóshirmesi nemese eńbek qyzmetý týraly jáne aýyl sharýashylyǵy salasynda jumys ótili kórsetilgen ómirbaıan.
Beriletin jerlerdiń utymdy paıdalanylýyn tekserý maqsatynda, zań jobasymen turaqty monıtorıng júrgizý qarastyryldy: jalǵa alýdyń alǵashqy 5 jylynda – jyl saıyn,kelesi kezeńderde sýarmaly egistikte árbir 3 jylda, tálimdi jerde – ár 5 jylda.
Budan basqa, aýyl sharýashylyǵy jerleriniń úlken mólsherin «bir qolǵa» berýge jol bermeý maqsatynda, zań jobasymen qazaqstandyqtarǵa jalǵa beriletin aýyl sharýashylyǵy jerleriniń eń joǵary mólsherin alqaptar boıynsha respýblıka, oblys jáne ákimshilik aýdandar (qalalar) sheginde belgileý qarastyrylady.
