Qonaqtardyń arasynda «TÚRKSOI» halyqaralyq uıymynyń Bas hatshysynyń orynbasary Fyrat Pýrtash, Eýrazııa Jazýshylar Odaǵynyń tóraǵasy Iаkýb Omerogly, «Bashqurtstan qyzy» jýrnalynyń redaktory Gúlnaz Kýtýeva, «Ázirbaıjan» jýrnalynyń redaktory Sýdaba Agabalaeva, «Juldyz» jýrnalynyń bas redaktory, Memlekettik syılyqtyń ıegeri, aqyn Ulyqbek Esdáýlet, jazýshy, Qazyǵurtkz» jýrnalynyń bas redaktory Marhabat Baıǵut jáne taǵy basqa 19 elden 10-ǵa jýyq ádebıet jáne mádenıet qaıratkerleri bar.
Kezdesýde sóz alǵan oblys ákimi Túrki álemi ádebı jýrnaldary redaktorlarynyń VIII-shi kongresiniń tabysty ótýimen quttyqtady.
«Elbasymyz Nursultan Ábishuly Nazarbaev: «TÚRKSOI» túrki áleminiń IýNESKO-syna aınalýy tıis» degen bolatyn. Iаǵnı, biz TÚRKSOI uıymyna múshe elder arasynda yntymaq-birligimizdi arttyryp qana qoımaı, mádenı jáne ekonomıkalyq, týrıstik turǵyda sony serpin alarymyz, sergek tartarymyz sózsiz. Keshegi ótken jıynda salıqaly sózder, utymdy usynystar aıtylyp, ornyqty oılar ortaǵa salyndy dep oılaımyn», - dedi Janseıit Qanseıituly.
Kezdesýde sóz alǵan qonaqtar Túrki álemi ádebı jýrnaldary redaktorlarynyń VIII-shi kongresinde aıtylǵan usynystar men qozǵalǵan pikirler túrki tildes halyqtardyń ortaq tarıhyn ıntegrasııalaýǵa zor yqpalyn tıgizedi degen senim bildirdi.
«Túrkistan qalasynda keremet basqosý ótti. Jıynda Túrki dúnıesine ortaq dúnıeler ortaǵa salyndy. Sonyń biri retinde Qazaqstannyń latyn álipbıine kóshýi talqylandy. Latyn álipbıine kóshý - sizderdiń tilderińiz úshin jasalǵan ıgi qadam dep bilemin. Túrki Elderiniń aqsaqaly N.Nazarbaevtyń bul bastamasy der kezinde kóterilip otyr», - dedi Eýrazııa Jazýshylar Odaǵynyń tóraǵasy Iаkýb Omerogly.
Kezdesý barysynda qonaqtar latyn tiline kóshý máselesi týraly oılaryn ortaǵa salyp, óz ana tilderinde bir-bir shýmaqtan óleń oqyp berdi. О́ńir basshysy qonaqtarǵa rızashylyǵyn bildirip, syı-sııapat kórsetti.
