Jıynǵa oblys ákimi, oblystyq basqarma basshylary, zııaly qaýym ókilderi, túrkolog-ǵalymdar, joǵary oqý oryndarynyń ǵalymdary, til mamandary, magıstrler men stýdentter jáne BAQ ókilderi qatysty.
Basqosýda sóz alǵan Ońtústik Qazaqstan oblysynyń ákimi Janseıit Túımebaev latyn álipbıiniń mańyzdylyǵyna erekshe toqtalyp, Elbasynyń «Bolashaqqa baǵdar: rýhanı jańǵyrý» atty maqalasynda aldaǵy jyldarda myqtap qolǵa alý qajet bolatyn birneshe jobany usynǵanyn atap ótti.
Otyrysqa qatysýshylar jańa álipbıdiń jobasyn talqylap, túrkolog ǵalymdar latyn álipbıiniń biryńǵaı nusqasyna qatysty óz pikirlerin bildirdi.
Máselen, fılologııa ǵylymdarynyń doktory, professor Mekemtas Myrzahmetuly «Latyn álipbıine kóshý – sanany otarsyzdandyrý jolyndaǵy mańyzdy qadam» taqyrybyna keńinen toqtalsa, professor, M.Áýezov atyndaǵy Ońtústik Qazaqstan Memlekettik ýnıversıteti fılologııa fakýltetiniń dekany Bolatbek Tileýberdıev «Bolashaqqa baǵdar: rýhanı jańǵyrý» maqalasymen oblystaǵy onomastıkalyq ataýlardyń sabaqtastyǵy» jóninde baıandama jasady.
Sonymen qosa, Ońtústik Qazaqstan pedagogıkalyq ınstıtýty fılologııa jáne tarıh fakýltetiniń dekany Narıman Nurpeıisov «Rýhanı jańǵyrý jolyndaǵy tarıh taǵylymy» jóninde tereńnen oı qozǵasa, «Latyn álipbıine kóshý qajettiligi» taqyrybynda tarıh ǵylymdarynyń kandıdaty, M.Áýezov atyndaǵy Ońtústik Qazaqstan oblysy memlekettik ýnıversıtetiniń kafedra meńgerýshisi, dosent Sársebaı Káribaev baıandama jasady.
Mańyzdy máseleler talqylanyp, jaqsy pikirler aıtylǵan basqosýdy qortyndylaǵan Ońtústik Qazaqstan oblysynyń ákimi Janseıit Túımebaev latyn álipbıine kóshý kezinde qazaq tiliniń úndestik zańdylyqtaryn saqtaýǵa mán berýdi usyndy.
«Elimizdiń endigi bolashaǵy – saıası-ekonomıkalyq faktormen qatar, onyń memlekettik tili – qazaq tiliniń taǵdyryna da tikeleı baılanysty. Sondyqtan latyn álippesine kóshýde qazaq tiliniń sıngormanızm jáne assımılıasııalyq zańdylyǵyn saqtaýymyz kerek. Eger olar saqtalmaǵan jaǵdaıda til buzylady. Eger muny saqtaǵan jaǵdaıda, tilimizdiń úndestigi onyń ádemiligi, durys aıtýy da buzylmaıtyn bolady», - dedi Janseıit Qanseıituly.
О́ńirdiń túrkolog-ǵalymdary men zııaly qaýym ókilderi bas qosqan jıynda latyn álipbıine kóshý men jańa álipbıge beıimdelý máselesindegi usynys-pikirler jınaqtalyp, sarapqa salynatyndyǵy aıtyldy.
