On alty myń azamat áskerge attanady

Jylyna eki ret uıymdas­ty­rylatyn bul úderis elimizdiń «Ás­kerı qyzmet pen áskerı qyz­met­shilerdiń mártebesi týraly» qoldanystaǵy zańy men «Ás­kerı qyzmettiń belgilengen mer­zimin ót­k­ergen merzimdi áskerı qyz­met­tegi áskerı qyzmetshilerdiń za­pas­qa bosatylýy jáne Qazaqstan Respýblıkasynyń azamattaryn 2017 jylǵy naýryz-maýsym jáne qyr­kúıek-jeltoqsan aılarynda merzimdi áskerı qyzmetke ke­zek­ti shaqyrý týraly» 2017 jyl­ǵy 16 naýryzdaǵy Prezıdent Jarlyǵyna sáıkes júrgiziledi.

Sondyqtan da, Qazaqstan Res­pýb­lıkasy Qarýly Kúshteriniń, bas­qa da áskerleri men áskerı qurylym­darynyń áskerı bó­lim­de­ri men mekemelerin jas­tar­­men ja­­saq­­taý maqsatynda aǵym­da­ǵy jyl­­dyń 2 qyrkúıeginen sha­qy­rý já­­ne olardy medısınalyq tek­se­­ris­­ten ótkizý komıssııalary óz jumysyn bastady. Aıta ke­teı­ik, áskerı bólimder boıynsha sha­­qyrylýshylardy irikteý jáne bó­­lý kezinde aldyn ala zerdeleý nátıjeleri men shaqyrylýǵa deı­in­gi alǵan bilimderi eskeriletin bo­lady.

Al áskerı bólimderdi jasaq­taý belgilengen tártip boı­yn­­sha júzege asyrylady. Shaqy­rylym men medısınalyq kýá­lan­dy­­rýdy júr­gizý tártibi týraly má­­se­le­ler­di jedel sheshý úshin Qor­­ǵa­nys mınıstrliginde shaqy­ry­­­lym ke­zeńinde «Qaýyrt jeli» is­­ke qo­sylady. Jelide jaýapty laý­­azym­dy tulǵalar túsindirme be­­rip, azamattardyń saýaldaryna jaý­­ap qaıtarylady.
Elimizde oqý jylynyń bas­ta­lýyna oraı, joǵary bilik­ti ofı­ser­­ler daıarlaıtyn maman­dan­dy­­rylǵan áskerı ınstıtýttarda bi­lim berý júıeli kestege kóshken.

Qorǵanys mınıstrligi usynǵan derekterge súıensek, bıyl atalǵan ve­domstvonyń joǵary áskerı oqý oryndaryna 600-den astam kýrsant qabyldanǵan. 1500 úmitkerdiń ishinen iriktelgen jas túlekter Qurlyq áskerleriniń Áskerı ınstıtýtynda 14 mamandyq boıynsha bilim alady. Sondaı-aq, Áýe qorǵanysy kúshteriniń Ás­ke­rı ıns­tıtýty 8 mamandyq, Ra­dıo­elek­tronıka jáne baıla­nys Ásk­e­rı-ınjenerlik ınstı­tý­ty 5 ma­mandyq boıynsha jo­ǵary ás­ke­rı kásibı bilim berý baǵ­dar­la­masy aıasynda joǵary bilikti ofıserler daıarlaýdy júzege asyrady.

Oqý jylynyń bastalýyna oraı, atalǵan áskerı ınstıtýttar­da jas kýrsanttar oqýǵa kiris­ti. Olarǵa professorlyq-oqy­tý­shy­­lar quram men ınjenerlik-teh­nı­ka­lyq qu­ramdardaǵy joǵary bi­­likti maman­dardan quralǵan ujym ókilderi teorııalyq já­ne tá­jirıbelik bilim berýde. Bi­lim ordalary zamanaýı oqý-ma­te­rı­aldyq baza men túrli teh­nı­ka­lyq oqytý quraldarymen qam­ta­masyz etilgen. Sonymen qatar, kýr­santtardyń jaıly turmysy men oqýy úshin áleýmettik jaǵdaı tolyq jasalǵan.

Nurlybek DOSYBAI,

«Egemen Qazaqstan»