Endi osyǵan oraı aıtatyn pikirimiz, latyn grafıkasyna aýysý qareketin tym asyqtyrmaı, aptyqtyrmaı, jeti ret ólshep, bir kesetin sharýa dep bilemiz. О́ıtkeni álipbı bir jylǵa, on jylǵa tańdalmaıdy. Ol ǵasyrlarǵa ketedi. Ulttyq muraǵa aınalatyn qundylyq. O bastan Qazaqstanda álipbı ózgeretin bolsa, onda búkil balabaqsha, mektepter latynǵa aýysý kerek degen ıdeıany aıtqan edim. Jáne sol ıdeıany áli de aıtam. Iаǵnı álipbı aýysatyn bolsa, jartysy kırıllısada qalyp, jartymyz latynǵa aýysatyn bolsaq, bul bólinýge ákelmeı me degen kúdik bar.
Bul forma týraly mynandaı usynys aıtsam. Biz Prezıdentpen kezdesýde Qazaqstanda balabaqshadan bastap, orta mektep bir baǵdarlamamen oqýy kerek jáne ol jerde memlekettik til basty til bolyp, orys tili men aǵylshyn tili qosymsha júrý kerek degen edik. Minekeı, osy oraıda memlekettik tildi latyn grafıkasymen oqytyp, oqý prosesiniń óne boıynda, onyń ishinde orys tilinde júretin pánderdi kırıllısamen, aǵylshyn tilinde oqytatyn pánderdi aǵylshyn álipbıimen oqytsa, qalaı bolar edi. Sonda mektepte, úsh álipbı de júredi. Árıne, eń basty qazaq álipbıi birinshi turady. Sonda burynǵy qundylyqtar da umyt qalmaı, endi baılyqty da ózimiz ıemdenip, paıdaǵa keneler edik. О́tken júz jyldyq tarıhtan qol úzbeımiz, rýhanı jip úzilmeıdi.
Smaǵul Elýbaı,
jazýshy
