Qatysýshy memleketter kórmeni uıymdastyrýshylarǵa pavılondardy bastapqy túrde tapsyrý maqsatynda eksponattardy shyǵaryp, ishki qurylys qurylymdar demontajyn, sondaı-aq, tazalaý men jóndeý jumystaryn júrgizýi qajet, dep habarlaıdy «Astana EKSPO-2017» AQ-tyń qoǵammen baılanys departamenti.
Atalǵan prosess 15 jeltoqsanǵa deıin aıaqtalýy tıis.
Sáýlet departamenti jáne Halyqaralyq qatysýshylarmen jumys atqarý departamenti demontaj prosesine baqylaý júrgizedi.
Kórmeniń basty nysany «Nur Álem» sferasy bolashaq murajaıy retinde qyzmetin jalǵastyrady.
115 memleket pen 22 halyqaralyq uıym qatysqan «Astana «EKSPO-2017» halyqaralyq mamandandyrylǵan kórmesi 10 qyrkúıekte aıaqtalǵanyn eske salamyz.
Aldyn ala boljam boıynsha 2 mln kelýshi kútilgen, alaıda kelýshilerdiń jalpy sany 3 977 545 adamdy qurady.
