Qazaqstan Respýblıkasynyń Prezıdenti Nursultan Nazarbaevtyń usynýy boıynsha Parlament Senatynyń Tóraǵasy laýazymyna Qasym-Jomart Toqaevtyń kandıdatýrasy usynyldy.
Toqaev ózine júktelgen zor senimine oraı Memleket basshysyna alǵys aıtty.
«Bizdiń Prezıdentimizdi álem jurtshylyǵy ǵalamdyq deńgeıdegi saıasatker, uly reformator retinde qurmetteıdi. Shyn mánindegi tarıhı tulǵa dep biledi. Elbasynyń kóregen kóshbasshylyǵymen elimiz bıik belesterdi baǵyndyryp, álemdegi tanymal, abyroıly elderdiń qataryna qosyldy. Elbasynyń salıqaly, kóregen saıasatyn iske asyrý men úshin árqashan jaýapty ári zor mártebeli mindet», - dedi Q.Toqaev.
Jasyryn daýys berý barysynda joǵarǵy Palatanyń Tóraǵasy bolyp Qasym-Jomart Toqaev biraýyzdan saılandy.
Al Parlament Senaty Tóraǵasynyń orynbasary bolyp Bektas Beknazarov qaıta saılandy.
Palata depýtat Darhan Káletaevty Halyqaralyq qatynastar, qorǵanys jáne qaýipsizdik komıtetiniń quramyna saılaý týraly qaýly qabyldady, delingen habarlamada.
Sonymen qatar, Senat Tóraǵasy Q. Toqaev Qazaqstan Prezıdentiniń Jarlyǵymen depýtattyq ókilettigi toqtatylǵan Lıazzat Kıınovqa Parlamenttiń zań shyǵarý qyzmetine qosqan zor úlesi úshin alǵys aıtty. L. Kıınov Parlament Senatynyń Qurmet gramotasymen marapattaldy.
