«Mundaı oqıǵalar qazaqstandyqtardyń basym bóligin teledıdar aldyna jınaıdy. Bul óte mańyzdy kezdesý. Meksıkalyq Alvares - óte tanymal adam, joǵary sanattaǵy boksshy», - dedi Elbasy.
Memleket basshysy bul kezdesýde otandasymyz Gennadıı Golovkınniń jeńiske jetetindigine úmit artatyndyǵyn basa aıtty.
«Ol orta salmaqta kásibı bokstyń koroline aınalyp, Muhamed Álı men Maık Taısonmen bir qatarda turady dep senemin. Bul ol úshin óte mańyzdy. Oǵan úlken tabystar tileıik. Osy ýaqytta kórshilerimizge saparlaıtyndyǵyma qaramastan kóremin. Barlyǵymyz da oǵan jankúıer bolamyz», - dedi Nursultan Nazarbaev.
Esterińizge sala keteıik, búgin Qazaqstan Prezıdenti Aqordada otandyq jáne sheteldik jýrnalısterge suhbat berýde. Shara barysynda Nursultan Nazarbaev kúni keshe aıaqtalǵan EKSPO-2017 kórmesiniń basty jetistigin basa aıtyp, shyǵyndalǵan qarjynyń orny tolǵanyn jetkizdi.
