Álemde jyl saıyn mıllıondaǵan adam alǵashqy kómek der kezinde kórsetilmeýi saldarynan qaıtys bolady eken. Sondyqtan kez kelgen adam jedel járdem jetkenshe kórsetiletin alǵashqy kómekti bilgeni jón. Mysaly, jol apatynan qatty jaraqat alǵan, júregi kenet toqtaǵan jandarǵa shuǵyl kómek kórsetse, olardyń ómirin aman saqtap qalýǵa bolady eken.
Densaýlyq saqtaý mınıstrligine qarasty Respýblıkalyq sanıtarlyq avıasııa ortalyǵynyń qyzmetkerleri tosyn jaǵdaılarda qandaı áreket etý kerektigin jınalǵandarǵa kórsetti. Jýrnalısterge ıis tıse taza aýa jutqyzý, qan toqtatý, jarany tańý, synǵan aıaqtyń nemese qoldyń qozǵalysyn tejeý, jasandy dem aldyrý, júrekke jabyq massaj jasaý sekildi tásilder jattyǵý túrinde túsindirildi.
Jalpy, alǵashqy kómek kórsetý tásilderin úırengisi kelgen adamdar respýblıkalyq sanıtarııalyq avıasııa ortalyǵyna kelip, arnaıy kýrstan ótýge bolady. Búgingi tańda jattyqtyrýshylar elimizdegi barlyq medısınalyq uıym qyzmetkerlerin úıretipti. Endi muǵalimderdi de oqyta bastaǵan. Keleshekte halyq kóp júretin qoǵamdyq oryndardyń qyzmetkerlerin alǵashqy kómek kórsetý tásilderin úıretý josparda bar.
