Kezdesýde jýrnalıst prezıdentke «Mindetti áleýmettik medısınalyq saqtandyrý reformasy keıinge shegerilgenmen odan jınalǵan qarjy bar. Ol – 6 mlrd teńge shamasynda. Halyq bul qarjy bıznesti damytýǵa jumsalady dep alańdap otyr. Jalpy osy qarjynyń taǵdyry qalaı bolmaq?» dep óz saýalyn joldady.
«Mindetti áleýmettik medısınalyq saqtandyrý qoryna jınalǵan aqsha eshqaıda ketpeıdi. Biz medısınalyq saqtandyrý degen máseleni birtindep qarastyramyz. Sebebi, ol qajet. Jalpy bizdiń adamdar óz densaýlyǵyn baǵalamaıdy. Keshe men Ulttyq ǵylymı kardıoortalyqtyń basshysy Iýrıı Pıamen sóılestim. Ol maǵan «júrekke ashyq operasııa jasaý batysta 40-50 myń dollar al júrekti aýystyrý 500 myń dollar turady» deıdi. Ony aýystyrý ár adamnyń qolynan kelmeıdi ǵoı. Ol jaqta aqsha tóleıdi. Al bizdiń jaqta barlyǵy úkimet tólesin deıdi. Al eger medısınalyq saqtandyrý qory bolatyn bolsa, azamattar ózderiniń densaýlyǵyna jaýap beredi. Iаǵnı qorǵa aqshanyń bir bóligin azamattyń ózi, bir bóligin jumys berýshiler, bir bóligin memleket tóleıdi. Úsh bólikten turady. Bizdiń qazirgi zeınetaqy júıemizdiń ózi sondaı», - dedi Nursultan Nazarbaev jýrnalıstiń suraǵyna.
Sonymen qatar Memleket basshysy mindetti áleýmettik medısınalyq saqtandyrý máselesin 3 jylda sheshý qajettigin alǵa tartty.
«Medısınalyq saqtandyrýǵa tezirek ótemiz dep oılap edik, saraptap kelgende problemalar shyqty. Qazaqstanda qorǵa aqsha tóleı almaıtyn adamdar bar eken. Tóleı almaıtyndar emdelgen kezde qordan aqsha ala almaıdy. Sondyqtan biz olardyń máselesin 3 jyldyń ishinde sheshýimiz qajet», - dedi ol.
Osy jerde Qazaqstan prezıdenti qandaı máseleni sheshý qajettigin anyq aıtty.
«Atalǵan másele ózin-ózi jumyspen qamtyp otyrǵan 2 mln-nan astam azamatqa qatysty. Ony anyqtap qarasaq, onyń jikteri bar. Onyń 1 mlny jumys isteıdi. Biraq ózderin jumyssyzbyn dep eseptep, salyq tólemeı otyrady. Onyń ishinde túrmede otyrǵandar, kámelettik jasqa tolmaǵan balalar bar. Sondyqtan osynyń barlyǵyn sheshý kerek», - dep túıindedi sózin Nursultan Nazarbaev.
