Sharaǵa federasııanyń vıse prezıdenti Danııar Abýlgazın, grek-rım kúresi boıynsha vıse prezıdent Dáýlet Turlyhanov, halyqaralyq qatynastar jáne qoǵammen baılanys jónindegi vıse prezıdent Sáken Mýsaıbekov jáne tóreshiler korpýsy men bapkerler keńesi jónindegi vıse prezıdent Erlan Qojasbaı qatysty. Jıynda grek-rım, erkin jáne áıelder kúresinen ulttyq qurama bapkerleriniń esebi tyńdaldy. Jattyqtyrýshylar Parıjde ótken álem chempıonatyndaǵy nátıjesi boıynsha esep berdi.
Otyrysta bapkerlerge kúresti damytý, jattyqtyrýshylar jumysynyń sapasyn kóterý mindeti júkteldi.
Sondaı-aq jıynda eldegi qala, aýdandarda kúres zadyn ashyp, olardy kilemmen qamtasyz etý týraly sheshim qabyldandy. Al tóreshiler jumysyn jaqsartý úshin olarǵa trenıng, semınarlar ótkizý týraly aıtyldy.
Kúresten Qazaqstan quramasy aldaǵy ýaqytta túrli halyqaralyq jarystarǵa qatysady. Sonyń biri - 17 qyrkúıekte Ashhabadta bastalatyn jabyq alańdaǵy Azııa oıyndary. Al keler jylǵy basty doda Indonezııada ótetin Azııa oıyndary bolmaq.
