– «Vılıarreal» komandasyn jeńisimen quttyqtaımyn! Menińshe, meniń komandam búgin jaqsy oıyn kórsetýge tyrysty. Bizdiń budan da jaqsyraq, neǵurlym serpindi jáne agressıvti oıyn kórsetýge múmkindigimiz bar edi. Degenmen, úsh gol jeńil qateliktiń saldarynan soǵyldy. Komandada jeńiske degen jiger 100 paıyz bolǵan joq. Eger fýtbolshylar jeńiske jetýdi qalaǵanda, oıyn órnegi tipti basqa arnaǵa aýar edi.
– «Astana» esepti teńestirgende teń oıynǵa degen úmitińiz boldy ma? Fýtbolshylarǵa esepti ustap qalýǵa ne jetispedi dep oılaısyz?
– Ekinshi taımda gol soǵylǵanyna qýanyshtymyn. Bizge azǵantaı ǵana minez jetispeı qaldy. Esep teńeskende bizdiń fýtbolshylar erkinsip ketti. Sol sátti qarsylas komanda utymdy paıdalanyp, qaqpamyzǵa ekinshi goldy soqty. Rasymen, jigitterdiń oıynǵa degen jigeri 100 paıyz bolmaı shyqty. Biz qorǵanysta óte jeńil qatelikter jiberip aldyq.
– Ekinshi taımda Murtazaevtyń ornyna Tomasovty shyǵardyńyz. Komandanyń dopty óz baqylaýynda ustaı almaıtynyna eshqandaı qaýip bolǵan joq pa?
- Roman búgin gol soǵýǵa tyrysty, biraq ol sharshap qaldy. Oıynshy almastyrǵanda men Tomasovtyń jyldamdyǵyna senim artyp, táýekelge bardym. Biraq, qatelik shabýylda da, qorǵanysta da kóp boldy. «Vılıarreal» mundaı qatelikterdi keshirmeıdi jáne birden gol soǵyp ketti.
– Úsh ortalyq qorǵaýshy taktıkasy óz jemisin berdi dep aıtsaq bolady. Eger komandanyń qalaı oınaıtynyn aldyn ala bilgenińizde eki qorǵaýshyny ǵana qaldyrý týraly oılanar ma edińiz? Oıynshylardyń jekelegen qatelikterin esepke almaǵanda, úsh qorǵaýshy óz mindetterin oryndaı aldy ma?
– Oıyn basynda biz jaqsy oıyn órnegin kórsetip, ashyq aımaqty kórip, birinshi bolyp birneshe qaýipti shabýyl jasaı bildik. Ekinshi taımda da dál solaı oınadyq. Sońǵy 10-15 mınýtta bizdi dop óz baqylaýymyzda jaqsy ustadyq. Eshqandaı qobaljý bolǵan joq. Degenmen, qaıtalap aıtamyn, eger bizde jeńiske degen ynta joǵary bolǵanda, ózimizge oń keletin nátıjege qol jetkizer edik.
